საჯარო მმართველობა

 სამაგისტრო პროგრამის მიზანია სტუდენტს შესძინოს და გამოუმუშაოს: 

•  სიღრმისეული ცოდნა საჯარო მმართველობის ძირითადი კონცეფციების, თეორიების,  მეთოდების, მიდგომებისა და საერთაშორისო სტანდარტების შესახებ მენეჯერული, სამართლებრივი, ეკონომიკური და საჯარო/კერძო დაწესებულებების, სამთავრობო და არასამთავრობო ინტიტუტების პერსპექტივების გათვალისწინებით;
• სისტემური ცოდნა ცენტრალურ დონეზე საჯარო მმართველობის ორგანიზების, პოლიტიკის დაგეგმვისა და კოორდინაციის, ადამიანური რესურსების, საჯარო  ფინანსების, საჯარო სერვისების მართვისა და ანგარიშვალდებულებისა და პასუხისმგებლობის მიმართულებით სტრატეგიული და ოპერაციული დონის გადაწყვეტილებების მიღების უნარი, რომელიც ეფუძნება მდგრადი განვითარების მიზნებს, რისკ-ფაქტორების და რესურსების (ინფორმაციული, ადამიანური, მატერიალური, ფინანსური და ა.შ) და ეფექტიან გამოყენებას; 
• საჯარო მმართველობის სფეროში საზოგადოებრივი პრობლემური საკითხების სხვადასხვა ანალიტიკური ინსტრუმენტების გამოყენებით მართვისა და შესაბამისი პოლიტიკის დოკუმენტების მომზადების  უნარი, ასევე მათი რეალიზაციის, მონიტორინგისა და შეფასების მექანიზმების გამოყენების უნარი;  
• კვლევის თვისებრივი და რაოდენობრივი მეთოდებისა და  ინსტრუმენტების გამოყენებით საჯარო მმართველობის სფეროში აკადემიური  კეთილსინდისიერებისა  და  ეთიკის  პრინციპების  დაცვით,  კვლევის დაგეგმვის, განხორციელებისა და  შედეგების წარდგენის  უნარი;

• საჯარო მმართველობის სფეროში მოქმედი პროფესიული,  ეთიკური  და  სამართლებრივი  ნორმების დაცვით როგორც დამოუკიდებლად, ისე გუნდური მუშაობის საფუძველზე გადაწყვეტილების მიღებისა და შესაბამისი პასუხისმგებლობის აღების უნარი როგორც სტრატეგიულ, ისე ოპერაციულ დონეზე.

დეტალური ინფორმაცია, გთხოვთ იხილოთ პროგრამის აღწრილობაში.

მისაღები ადგილების რაოდენობა: 30

სწავლების ენა: ქართული, ინგლისური (ძირითადი მასალები ინგლისურ ენაზე)

საჯარო მმართველობის სამაგისტრო პროგრამა განკუთვნილია იმ პირთათვის, რომლებსაც უკვე მიღებული აქვთ უმაღლესი განათლება ნებისმიერ სფეროში და სურთ  გაიღრმავონ ცოდნა საჯარო მმართველობის მიმართულებით.

პროგრამაზე სწავლის გაგრძელების მსურველებს, ჩაბარებული უნდა ჰქონდეთ საერთო სამაგისტრო გამოცდები. 

სამაგისტრო პროგრამის სტუდენტთა რეგისტრაცია წარმოებს ელექტრონულად 1 აგვისტოდან 12 სექტემბრის ჩათვლით (თარიღები დაზუსტდება მოგვიანებით). 

შიდა საუნივერსიტეტი პროცედურა შედგება შემდეგი ეტაპებისგან:

• დოკუმენტაციის ანალიზი: ამ ეტაპზე ხდება უნივერსიტეტის მიერ შემუშავებული საერთო სააპლიკაციო ფორმის შევსება, რომლიც მოიცავს აპლიკანტის პირადობის ასლს, დიპლომ(ებ)ის ასლს, რეზიუმეს, სამოტივაციო წერილსა და ეროვნული გამოცდების დამადასტურებელ საბუთს.
• გასაუბრება მიმღებ კომისიასთან, სადაც შეფასდება აპლიკანტის დარგობრივი ცოდნა და მოტივაცია.

პროგრამაზე ჩარიცხვის აუცილებელ წინაპირობას წარმოადგენს:

• საერთო სამაგისტრო გამოცდების ჩაბარება (სავალდებულო 3 კომპონენტიდან 2 კომპონენტში დადებითი შეფასების მიღება)
• ინგლისური ენის ცოდნა B2 დონეზე

ინგლისური ენის ცოდნის დადასტურება:

ინგლისური ენის დონე შემოწმდება გასაუბრების პროცესში. 

სწავლის ღირებულება

საჯარო მმართველობის ორწლიანი სამაგისტრო პროგრამის ჯამური ღირებულება 7000 ლარს შეადგენს. შესაბამისად, 

პროგრამის ერთი წლის საფასური შეადგენს 3500 ლარს. თანხის გადახდა ერთი წლის განმავლობაში ხდება ოთხ ეტაპად, სასწავლო სემესტრების მიხედვით. პროგრამის წარმატებულად დასრულების შემთხვევაში კურსის მონაწილეებს ენიჭებათ საჯარო მმართელობის მაგისტრის აკადემიური ხარისხი.

დაფინანსება

100 პროცენტიანი სახელმწიფო გრანტის მოპოვების შემთხვევაში, GIPA-ს საჯარო მმართველობის სამაგისტრო პროგრამა უფასო სწავლების უფლებას მიანიჭებს 3 საუკეთესო სტუდენტობის კანდიდატს. 

სწავლის დაფინანსების  ვარიანტები:

პირადი განცხადების საფუძველზე, სტუდენტს შესაძლებლობა აქვს გაწეროს ინდივიდუალური გადახდის გრაფიკი. 

ხელშეკრულების გაფორმება

• ხელშეკრულების გაფორმება მოხდება ელექტრონულად
• მაგისტრანტობის იმ კანდიდატებმა, რომლებიც სწავლის გაგრძელებას გეგმავენ მმართველობის სკოლის სამაგისტრო პროგრამებზე და წარმატებით გაივლიან შიდასაუნივერსიტეტო გამოცდებს, არაუგვიანეს 2024 წლის 15 სექტემბრისა უნდა წარმოადგინონ შესაბამისი სამაგისტრო პროგრამის წლიური საფასურის 10%-ის გადახდის დამადასტურებელი დოკუმენტი, რომელიც შემდგომში გამოაკლდება სწავლის ღირებულებას
• სწავლა დაიწყება: სექტემბრის მეორე ნახევარი

 გადახდა / Payment instructions:

სწავლის საფასურის გადახდა უნდა განხორციელდეს ორგანიზაციის ანგარიშზე.

*დანიშნულებაში მიუთითეთ სტუდენტის სახელი, გვარი, პირადი ნომერი და სასწავლო პროგრამის დასახელება.

საბანკო რეკვიზიტები / Bank Details:

საბანკო კოდი (მფო) – TBCB GE 22

მიმღების დასახელება – ააიპ საქართველოს საზოგადოებრივ საქმეთა ინსტიტუტი

ანგარიშსწორების ანგარიში– GE84TB1100000110700419 / GEL

საქართველოს საზოგადოებრივ საქმეთა ინსტიტუტის (GIPA) მმართველობის სკოლა მრავალი წლის განმავლობაში თანამშრომლობს სხვადასხვა დასავლურ და ევროპულ უნივერსიტეტებთან. აღნიშნული პარტნიორობების ფარგლებში საჯარო მმართველობის სამაგისტრო პროგრამის სტუდენტებს საშუალება ეძლევათ აირჩიონ უნივერსიტეტის არაერთი შეთავაზება ERASMUS+ და მის მიღმა არებული გაცვლითი პროგრამებიდან. თუმცა, ამ შეთავაზებების მიღმა უშუალოდ საჯარო მმართველობის პროგრამის სტუდეტებზე მორგებულია შემდეგი გაცვლითი პროგრამები:

1. პარტნიორობა ვროცლავის უნივერსიტეტთან (პოლონეთი)

GIPA-ს საჯარო მმართველობის სამაგისტრო პროგრამა გთავაზობთ ორმაგ ხარისხს ვროცლავის უნივერსიტეტთან ერთად, საჯარო მმართველობასა და პოლიტიკურ მეცნიერებებში:

I - II სემესტრი - GIPA (საქართველო)
III სემესტრი - ვროცლავის უნივერსიტეტი (პოლონეთი)
IV სემესტრი - GIPA (საქართველო)
პროგრამის დასრულების შემთხვევაში კურსდამთავრებულებს ენიჭებათ:

მაგისტრის აკადემიური ხარისხი საჯარო მმართველობაში (GIPA, Georgia)
მაგისტრის აკადემიური ხარისხი პოლიტიკურ მეცნიერებებში (University of Wroclaw, Poland)
სწავლის ხანგრძლივობაა 2 წელი.

2. პარტნიორობა ზალცბურგის უნივერსიტეტთან (ავსტრია)

„Erasmus+“-ის პროგრამის ფარგლებში GIPA-ს საჯარო მმართველობის სამაგისტრო პროგრამა გთავაზობთ გაცვლით პროგრამას ზალცბურგის უნივერსიტეტთან ერთად, საჯარო მმართველობასა და ევროკავშირის მცოდნეობაში :

I - II სემესტრი - GIPA (საქართველო)
III სემესტრი - ზალცბურგის უნივერსიტეტი (ავსტრია)
IV სემესტრი - GIPA (საქართველო)
პროგრამის დასრულების შემთხვევაში კურსდამთავრებულებს ენიჭებათ:

მაგისტრის აკადემიური ხარისხი საჯარო მმართველობაში (GIPA, Georgia)
სწავლის ხანგრძლივობაა 2 წელი.

3. პარტნიორობა ბოკონის მენეჯმენტის სკოლასთან (იტალია)

ორმაგი ხელშეკრულების ფარგლებში, GIPA-ს საჯარო მმართველობის სამაგისტრო პროგრამა გთავაზობთ ორმაგ ხარისხს ბოკონის უნივერსიტეტთან ერთად, საჯარო მმართველობაში:

I - II სემესტრი - GIPA (საქართველო)
III სემესტრი - Bocconi School of Management (იტალია)
IV სემესტრი - GIPA (საქართველო)
პროგრამის დასრულების შემთხვევაში კურსდამთავრებულებს ენიჭებათ:

მაგისტრის აკადემიური ხარისხი საჯარო მმართველობაში (GIPA, Georgia)
მაგისტრის აკადემიური ხარისხი საჯარო მმართველობაში (Bocconi, Italy)
სწავლის ხანგრძლივობაა 2 წელი.

4. პარტნიორობა. ჰამბურგის უნივერსიტეტი (გერმანია)

 GIPA-ს და  ჰამბურგის უნივერსიტეტს შორის გაფორმებული ხელშეკრულების საფუძველზე სტუდენტებს ექნებათ შესაძლებლობა  მესამე სემესტრში გაცვლითი პროგრამით გაემგზავრონ  ჰამბურგი უნივერსიტეტში

I - II სემესტრი - GIPA (საქართველო)
III სემესტრი - ჰამბურგი უნივერსიტეტი IV სემესტრი - GIPA (საქართველო)

პროგრამის დასრულების შემთხვევაში კურსდამთავრებულებს ენიჭებათ:

მაგისტრის აკადემიური ხარისხი საჯარო მმართველობაში (GIPA, Georgia)

პროგრამის ხელმძღვანელები: 

ნანი მაჭარაშვილი 

საჯარო მმართველობის და პოლიტიკის პროგრამის ხელმძღვანელი 

ელ. ფოსტა : nana.macharashvili@gipa.ge

ცირა ელისაშვილი 

საჯარო მმართველობის და ადგილობრივი თვითმმართველობის სამაგისტრო პროგრამების ხელმძღვანელი: 

ელ-ფოსტა: ts.elisashvili@gipa.ge

პროგრამის კოორდინატორი: 

მარიამ დოთიაშვილი

საჯარო მმართველობის პროგრამის კოორდინატორი 

ელ. ფოსტა: m.dotiashvili@gipa.ge 

მობ: +995 598 735 474