საერთაშორისო სამართალი

სამაგისტრო პროგრამის სტუდენტთა რეგისტრაცია წარმოებს ელექტრონულად.

》 ონლაინ სარეგისტრაციო ფორმა მაგისტრანტებისთვის

საერთაშორისო სამართლის სამაგისტრო პროგრამაზე ჩარიცხვის აუცილებელ წინაპირობას წარმოადგენს: 

1) ბაკალავრის ან მასთან გათანაბრებული ხარისხი სამართლის სფეროში; 

2) საერთო სამაგისტრო გამოცდების წარმატებით ჩაბარება; 

3) შიდა საუნივერსიტეტო  პროცედურის გავლა, რომელიც შედგება შემდეგი ეტაპებისაგან:

(ა) სტუდენტის მიერ შევსებული აპლიკაციის ანალიზი 

(ბ)გამოცდის ჩაბარება ინგლისურ ენაში (B2 დონე)

*გამოცდიდან გათავისუფლდებიან ის აპლიკანტები, რომლებიც წარმოადგენენ შესაბამისი კვალიფიკაციის დამადასტურებელ სერთიფიკატს ((TOEFL (P/B 513 score; I/BT 87score); IELTS (5.5 Band); FCE; BEC Vantage; PTE (General level 3); PTE Academic (59p); Michigan ECCE) ან ბაკალავრის ან შემდგომი საფეხურის საგანმანათლებლო პროგრამა დასრულებული აქვთ ინგლისურ ენაზე

(გ) გამოცდა სპეციალობაში, რომლის  მიზანია შეფასდეს აპლიკანტის ცოდნა არჩეულ დარგში და შეფასდეს აპლიკანტის უნარ-ჩვევები 

საერთო  სამაგისტრო  გამოცდების  გავლის  გარეშე პროგრამაზე ჩარიცხვა შესაძლებელია  -  „უმაღლეს საგანმანათლებლო  დაწესებულებაში  ერთიანი ეროვნული გამოცდების/საერთო სამაგისტრო გამოცდების გავლის გარეშე სწავლის უფლების მქონე აბიტურიენტების/მაგისტრანტობის კანდიდატების/სტუდენტების მიერ დოკუმენტების წარდგენისა და განხილვის წესის დამტკიცების შესახებ“ საქართველოს განათლებისა და მეცნიერების მინისტრის, 2011 წლის 19 დეკემბრის № 224 / ნ  ბრძანების მე-2 მუხლის მე-2 პუნქტში განსაზღვრული მაგისტრანტობის კანდიდატებისთვის. 

პროგრამის წლიური ღირებულება: 4 000 ლარი

საუნივერსიტეტო დაფინანსების სისტემა:

მაღალი აკადემიური მოსწრების სტუდენტებისათვის GIPA-ში მოქმედებს სემესტრული სტიპენდიები. საერთაშორისო სამართლის სამაგისტრო პროგრამის 2 საუკეთესო სტუდენტი თავისუფლდება მომდევნო სემესტრის გადასახადის 50 % -საგან.

გადახდა / Payment instructions:

სწავლის საფასურის გადახდა უნდა განხორციელდეს ორგანიზაციის ანგარიშზე.

*დანიშნულებაში მიუთითეთ სტუდენტის სახელი, გვარი, პირადი ნომერი და სასწავლო პროგრამის დასახელება.

საბანკო რეკვიზიტები / Bank Details:

საბანკო კოდი (მფო) – TBCB GE 22

მიმღების დასახელება – ააიპ საქართველოს საზოგადოებრივ საქმეთა ინსტიტუტი

ანგარიშსწორების ანგარიში– GE84TB1100000110700419 / GEL

      მიჩიგანის სახელმწიფო უნივერსიტეტი 

ყოველწლიურად მიჩიგანის უნივერსიტეტის სამართლის სკოლის მაგისტრატურაში GIPA-ს სამართლის პროგრამიდან იგზავნება ორი სტუდენტი. აქედან ერთი სწავლობს სრულიად უფასოდ, მეორე კი სარგებლობს 50%-იანი ფასდაკლებით.

   მასარიკის უნივერსიტეტი (ბრნო, ჩეხეთი)

ყოველწლიურად სამართლის პროგრამის 2 სტუდენტი (ერთი ბაკალავრიატიდან და ერთი მაგისტრატურიდან) ერთ სემესტრს ატარებს მასარიკის უნივერსიტეტში უფასოდ. გარდა ამისა, მასარიკის უნივერსიტეტში რეგულარულად კითხულობენ ლექციებს GIPA-ს სამართლის პროგრამის პროფესორები. ასევე, მასარიკის უნივერსიტეტიდან ჯიპაში ყოველწლიურად იგზავნება ორი სტუდენტი.

ტროის უნივერსიტეტი

ტროის უნივერსიტეტი წარმოადგენს მრავალმხრივ საჯარო უნივერსიტეტს, რომელიც მდგომარეობს ალაბამაში, აშშ. 1887 წელს დაარსებული უნივერსიტეტი დღეს ემსახურება 18 000 სტუდენტს აშშ-ს 17 შტატიდან და 11 ქვეყნიდან.

 ვროცლავის უნივერსიტეტი 

ვროცლავის უნივერსიტეტი წარმოადგენს საჯარო კვლევით უნივერსიტეტს, რომელიც მდებარეობს ქალაქ ვროცლავში, პოლონეთში. ვროცლავის უნივერსიტეტი აქტიურად თანამშრომლობს საერთაშორისო უნივერსიტეტებთან, მათ შორის GIPA-ს აქტიური პარტნიორია.

ალიკანტეს უნივერსიტეტი

ალიკანტეს უნივერსიტეტი დაარსდა 1979 წელს. იგი სტუდენტებს სთავაზობს ორმოცდაათზე მეტ პროგრამას. უნივერსიტეტს ჰყავს  30 000 სტუდენტი.

1. რამდენ ნაწილად შეუძლია სტუდენტს სწავლის საფასურის განაწილება? 

ერთი სასწავლო წელი მოიცავს ორ სემესტრს. სწავლის სემესტრული საფასური გადაიხდევინება ოთხ თანაბარ ნაწილად. გარდა ამისა, სტუდენტს შეუძლია შეადგინოს მასზე მორგებული ინდივიდუალური გადახდის გრაფიკი.

2. რა არის საჭირო იმისათვის, რომ სტუდენტმა მონაწილეობა მიიღოს გაცვლითი პროგრამების შესარჩევ კონკურსში?

კონკუსრში მონაწილეობისათვის სტუდენტს უნდა ჰქონდეს მაღალი აკადემიური მოსწრება და ინგლისური ენის ცოდნა B2 დონეზე.

3. რა ენაზე მიმდინარეობს სწავლა საერთაშორისო სამართლის სამაგისტრო პროგრამაზე?

GIPA გთავაზობთ საერთაშორისო სამართლის ინგლისურენოვან სამაგისტრო პროგრამას. შესაბამისად, სწავლა მიმდინარეობს ინგლისურ ენაზე.

4. დასაქმების რა პერსპექტივებს სთავაზობს უნივერსიტეტი მაგისტრანტებს?

სტუდენტთა დასაქმების ხელშეწყობის მიზნით, GIPA ურთიერთთანამშრომლობის მემომორანდუმები აქვს გაფორმებული წამყვან საჯარო თუ კერძო ორგანიზაციებთან. პროგრამის სტუდენტებს აქვთ შესაძლებლობა გაიარონ სტაჟირება პარტნიორ კომპანიებში, მიიღონ პრაქტიკული გამოცდილება და გაიღრმავონ პროფესიული ცოდნა. როგორც პრაქტიკა გვაჩვენებს, ჩვენი სტუდენტები ხშირ შემთხვევაში კარიერას განაგრძობენ სწორედ აღნიშნულ ორგანიზაციებში.

დამატებითი ინფორმაციისათვის მიმართეთ:

საერთაშორისო სამართლის სამაგისტრო პროგრამის კოორდინატორი

მარიამ ჭიკაიძე

მობ: 551 197 600

ელ-ფოსტა: m.chikaidze@gipa.ge

მისამართი: თბილისი, "რუსთავის გზატკეცილი #22ა"