განახლებადი ენერგიების მენეჯმენტის 2 წლიანი უმაღლესი პროფესიული პროგრამა შემუშავდა USAID პროგრამა - დამსაქმებელი პროფესიული განათლებისთვის, ფინანსური მხარდაჭერით. პროგრამის მიზანია შემუშავდეს და დაინერგოს ისეთი პროფესიული საგანმანათლებლო პროგრამა, რომელიც უზრუნველყოფს როგორც ადგილობრივ, ასევე საერთაშორისო ბაზარზე კონკურენტუნარიანი კადრის მომზადებას.
რას ვისწავლი?
მიიღებ სიღრმისეულ ცოდნას რომ კვალიფიციურად დაგეგმო, ორგანიზება გაუწიო და განახორციელო განახლებადი ენერგიის მენეჯერის საქმიანობები; აღწერო და გამოიყენო განახლებადი ენერგიის კანონმდებლობა და რეგულაციები; შეაფასო განახლებადი ენერგიის გარემოზე ზემოქმედება; დაგეგმო, წარმართო და ზედამხედველობა გაუწიო ჰიდროენერგეტიკული, ქარის ენერგიის, მზის ელექტროენერგეტიკული (PV), გეოთერმული ენერგეტიკის და ბიომასის ენერგეტიკის პროექტების მშენებლობას, მონტაჟსა და ოპერირებას;
ვინ ვიქნები?
სწავლის დასრულების შემდეგ მოგენიჭება უმაღლესი პროფესიული კვალიფიკაცია განახლებადი ენერგიების მენეჯმენტში და მენეჯერის პოზიციით შეძლებ დასაქმებას განახლებადი ენერგიის სექტორში ჩართულ კერძო და საჯარო ორგანიზაციებში, რომელთა საქმიანობა მოიცავს განახლებადი ენერგიის სისტემების მშენებლობას, ინსტალაციას, გამართვას, ოპერირებას/ექსპლუატაციას, ზედამხედველობას, სპეციფიური დანადგარების, მოწყობილობების და სისტემების მომსახურებას. თქვენი საქმიანობა შეიძლება მოიცავდეს სყოფაცხოვრებო და საწარმო შენობების ელექტრო და თბომომარაგების მოწყობილობების და სისტემების მონტაჟს და მათ ინსპექტირებას, სახელმწიფო უწყებებში, რომლებიც პასუხისმგებელნი არიან განახლებადი ენერგიის სისტემების განვითარების მხარდაჭერაზე რეგულირებასა და პოპულარიზაციაზე. საინჟინრო და საკონსულტაციო კომპანიებში, რომლებიც ახორციელებენ განახლებადი ენერგიის გამოყენების და განვითარების ტექნიკურ მხარდაჭერას და მომსახურებას. აგრეთვე, კვლევით ორგანიზაციებში და ინსტიტუტებში, რომლებიც ორიენტირებულები არიან განახლებადი ენერგიის და ენერგოეფექტური ტექნოლოგიების განვითარებაზე, სასწავლო-საგანმანათლებლო დაწესებულებებში, განახლებადი ენერგიის სპეციალისტების მომზადებაში და გადამზადებაში, როგორც მასწავლებლები, მენტორები, ინსტრუქტორები ან ტექნიკური ექსპერტები.
2026 წელს მისაღები ადგილების რაოდენობა: 64
სწავლების ენა: ქართული
მიღების წინაპირობები:
პროგრამა განკუთვნილია 18 წლის ზემოთ ასაკის იმ პირთათვის, რომლებსაც მიღებული აქვთ სრული ზოგადი განათლება და წარმატებით გაივლიან 2026 წლის ერთიან ეროვნულ გამოცდებს.
სწავლის შესაძლებლობა ერთიანი ეროვნული გამოცდების ფარგლებში დარეგისტრირებულ ნებისმიერ პირს ეძლევა, მათ შორის აბიტურიენტებს და მხოლოდ პროფესიული პროგრამით დაინტერესებულ პირებს. ამისათვის აბიტურიენტები აკადემიურ პროგრამებთან ერთად პროფესიულ საგანმანათლებლო პროგრამებსაც აირჩევენ, ხოლო მხოლოდ პროფესიული პროგრამით დაინტერესებული პირი პროფესიულ პროგრამას და იმ საგანსა თუ საგნებს, რომელიც პროგრამაზე ჩარიცხვის წინაპირობაა.
ჩარიცხვისთვის აუცილებელი იქნება შესაბამისი პროფესიული კვალიფიკაციის მიხედვით განსაზღვრული საგნის ჩაბარება. ამისათვის აპლიკანტმა უნდა გადალახოს ერთიანი ეროვნული გამოცდების დადგენილი მინიმალური კომპეტენციის ზღვრის ნახევარზე მეტი, რომელიმე ქვემოთ ჩამოთვლილ, ერთ საგანზე:
კერძოდ, თუ აბიტურიენტი ერთიან ეროვნულ გამოცდებზე აბარებს მათემატიკას მას შეუძლია, აირჩიოს ჯიპას ნებისმიერი პროფესიული საგანმანათლებლო პროგრამა, რომლის ჩარიცხვის წინაპირობა სწორედ მათემატიკის გამოცდაა.
აღნიშნული წესით მიღებულ აპლიკანტს პროგრამებზე ჩარიცხვის საშუალება დამატებითი შერჩევის პროცედურის გარეშე ეძლევა.
რეგისტრაცია:
რეგისტრაცია ტარდება ელექტრონულად, შეფასებისა და გამოცდების ეროვნული ცენტრის ვებ გვერდზე- naec.ge.
დეტალური ინფორმაცია საგამოცდო პროგრამის, ცნობარის, ტესტების ნიმუშების და სტუდენტთა შერჩევის შესახებ აპრილის თვის დასაწყისში გამოქვეყნდება ცენტრის გვერდზე.
ხელშეკრულების გაფორმება:
ხელშეკრულების გასაფორმებლად, სტუდენტმა უნდა წარმოადგინოს შემდეგი დოკუმენტები:
ერთიანი პროფესიული ტესტირების წარმატებით გავლის შემდეგ დოკუმენტები შეგიძლიათ წარმოადგინოთ შემდეგ მისამართზე: ქ. თბილისი, რუსთავის გზატკეცილი #22ა ან გამოაგზავნოთ ელექტონულად შემდეგ მისამართზე: drdve@gipa.ge
სწავლა დაიწყება 2026 წლის არაუგვიანეს 1 ოქტომბრისა.
სტუდენტის ინდივიდუალური გადასახადი - წელიწადში 500ლარი.
10% იანი ფასდაკლება ვრცელდება იმ პროფესიულ სტუდენტზე, რომელსაც პროფესიული ტესტირების საფუძველზე რეიტინგულ სიაში აქვს ყველაზე მაღალი ქულა/შეფასება და სარგებლობს ქვემოთ ჩამოთვლილი სოციალური სტატუსებიდან ერთ-ერთით:
ა) სოციალურად დაუცველი პირი - უნდა წარმოადგინონ საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ „სოციალური მომსახურების სააგენტოს“ მიერ გაცემული ცნობა „სოციალურად დაუცველი ოჯახების მონაცემთა ბაზაში“ რეგისტრაციის თაობაზე, რომელიც გაცემული უნდა იყოს ცნობის უნივერსიტეტში წარმოდგენამდე არაუადრეს 2 თვისა
ბ)შეზღუდული შესაძლებლობების მქონე პირი - უნდა წარმოადგინონ სამედიცინო სოციალური ექსპერტიზის შემოწმების აქტის ამონაწერი ფორმა №50/II (ასლი)
გ) ოკუპირებულ ტერიტორიებზე მცხოვრები პირი - უნდა წარმოადგინონ საქართველოს მოქალაქის მოწმობა, პირადობის ნეიტრალური მოწმობა ან ნეიტრალური სამგზავრო დოკუმენტი
დ) ტერიტორიული მთლიანობის დაცვისთვის დაღუპულ პირთა შვილი/ოჯახის წევრი - უნდა წარმოადგინონ ვეტერანების საქმეთა სახელმწიფო სამსახურის მიერ გაცემული ცნობა, რომლითაც დასტურდება ტერიტორიული მთლიანობისთვის გარდაცვლილ პირთან ოჯახური კავშირი.
საბანკო რეკვიზიტები:
სს „ თიბისი ბანკი“
საბანკო კოდი (მფო): TBCB GE 22
მიმღების დასახელება - ააიპ საქართველოს საზოგადოებრივ საქმეთა ინსტიტუტი
ანგარიშის ნომერი - GE84TB1100000110700419 / GEL
*გადახდისას, დანიშნულებაში მიუთითეთ სახელი გვარი,პირადი ნომერი და პროგრამის სახელწოდება
საქართველოს საზოგადოებრივ საქმეთა ინსტიტუტის (GIPA) სოფლის განვითარებისა და პროფესიული სწავლების დეპარტამენტის პარტნიორი ორგანიზაციებია:
რეგისტრაციის პროცედურები და 2026 წლის ერთიან ეროვნულ გამოცდებთან დაკავშირებული საკითხები სრულად აისახება შეფასებისა და გამოცდების ეროვნული ცენტრის ვებ გვერდზე https://naec.ge/#/ge/index
პროფესიული პროგრამის მოდულებს ახორციელებენ პროფესიული მასწავლებლები- დარგის მაღალკვალიფიციური სპეციალისტები, რაც სტუდენტებს საშუალებას აძლევს თეორიული ცოდნა განამტკიცონ პრაქტიკული უნარ-ჩვევებით. გარდა ამისა, სასწავლო პროცესში სტუდენტებს საშუალება ეძლევათ, შეხვდნენ მოწვეულ სტუმრებს (ადგილობრივ და საერთაშორისო ექსპერტებს და კომპანიების წარმომადგენლებს).
პროგრამა სრულად ინოვაციურია. მასთანავე, აღჭურვილია თანამედროვე მატერიალურ-ტექნიკური საშუალებებით და სწავლების უახლესი თეორიული, პრაქტიკული მეთოდებით. პერიოდულად, სტუდენტებს აქვთ საშუალება, შეხვდნენ დარგის სპეციალისტებს, ადგილობრივ და საერთაშორისო ექსპერტებს მრგვალი მაგიდის ფორმატში და განიხილონ დარგში არსებული გამოწვევები. მონაწილეობა მიიღონ ექსტრაკურიკულურ აქტივობებსა და შიდა საუნივერსიტეტო საგრანტო პროგრამებში და განახორციელონ პროექტები.
თქვენ საშუალება გაქვთ პროფესიულ მოდულებს დაეუფლოთ და ყოველდღიურ სასწავლო პროცესში შეხება გქონდეთ დარგის წამყვან, მაღალკვალიფიციურ, განახლებადი ენერგიის სფეროში მოქმედ ექსპერტებთან / სპეციალისტებთან. აგრეთვე, სტუდენტების კარიერული განვითარების მიზნით, იმართება დასაქმების ფორუმები, პოტენციურ დამსაქმებლებთან შეხვედრა და ინფორმაციის გაზიარება/კონსულტირება ვაკანსიების, სტაჟირების და სხვა კარიერული შესაძლებლობების შესახებ.
