მულტიმედიური ჟურნალისტიკა და მედია მენეჯმენტი

სამაგისტრო პროგრამის სტუდენტთა რეგისტრაცია წარმოებს ელექტრონულად. 

რეგისტრაციის ბოლო ვადა: 7 სექტემბერი, 2026 წ.

》 ონლაინ სარეგისტრაციო ფორმა მაგისტრანტებისთვის

მისაღები ადგილების რაოდენობა - 20 

სწავლების ენა: ინგლისური

სამაგისტრო პროგრამა განკუთვნილია იმ პირთათვის, რომლებსაც უკვე მიღებული აქვთ უმაღლესი განათლება ნებისმიერ სფეროში და სურთ, გაიღრმაონ ცოდნა მულტიმედია ჟურნალისტიკისა და მედია მენეჯმენტის მიმართულებით. 

შესაბამისად, სამაგისტრო პროგრამაზე ჩარიცხვის აუცილებელ წინაპირობას წარმოადგენს:
1) ბაკალავრის ან მასთან გათანაბრებული აკადემიური ხარისხი ნებისმიერ სფეროში;
2) საერთო სამაგისტრო გამოცდის ჩაბარება;
3) შიდა საუნივერსიტეტო პროცედურის გავლა, რომელიც შედგება შემდეგი ეტაპებისაგან:
- უნივერსიტეტის მიერ შემუშავებული საერთო სააპლიკაციო ფორმის შევსება

• გასაუბრების გავლა მიმღებ კომისიასთან
  - გამოცდის ჩაბარება ინგლისურ ენაში (B2  დონე), გამოცდისგან თავისუფლდებიან ის პირები,
  რომლებიც წარმოადგენენ კვალიფიკაციის დამადასტურებელ სერტიფიკატს (TOEFL IELTS);

სწავლის წლიური საფასურია 8500 ლარი. პირველ წელს საქართველოს მოქალაქეებისთვის მოქმედებს 2500 ლარიანი საუნივირსიტეტო თანადაფინანსება. შესაბამისად, საქართველოს მოქალაქეებისთვის პირველი წლის ღირებულება იქნება 6000 ლარი. თანადაფინანსება არ შეეხება უცხო ქვეყნის მოქალაქეებს. 

გადახდა:

სწავლის საფასურის გადახდა უნდა განხორციელდეს ორგანიზაციის ანგარიშზე.

საბანკო რეკვიზიტები:

საბანკო კოდი (მფო) – TBCB GE 22

მიმღების დასახელება – ააიპ საქართველოს საზოგადოებრივ საქმეთა ინსტიტუტი

ანგარიშსწორების ანგარიში– GE84TB1100000110700419 / GEL

გადახდისას, დანიშნულებაში მიუთითეთ პირადი ნომერი და პროგრამის სახელწოდება.

ჩვენ ვართ თანამედროვე, გახსნილი და განვითარებაზე ორიენტირებული უნივერსიტეტი, რაც სწავლების საერთაშორისო დონეზე წარმართვასთან ერთად ნიშნავს ჩვენი სტუდენტების ხელშეწყობას უცხოეთის წამყვან უნივერსიტეტებში გაიღრმავონ ცოდნა. ჟურნალისტიკის სამაგისტრო პროგრამა სტუდენტებს აძლევს შესაძლებლობას გაცვლითი პროგრამებით ისწავლონ ნორვეგიის, ფინეთის, ნიდერლანდების, გერმანიის, ბელგიის, საფრანგეთის და სხვა მრავალი ქვეყნის წამყვან უნივერსიტეტებში.

ჩვენი პროგრამის ათობით სტუდენტს ჰქონდა შესაძლებლობა მონაწილეობა მიეღო როგორც სემესტრულ ასევე მოკლე ვადიან საერთაშორისო გაცვლით პროგრამებში, როგორიცაა Europe on Air, Invisible Cities და EU Fact Check და შედეგად გაეღრმავებინა პროფესიული ცოდნა, მიეღო საერთაშორისო გამოცდილება და გაეფართოებინა პროფესიული წრე.

შემოგვიერთდით და გახდით თანამედროვე, გახსნილი და განვითარებაზე ორიენტირებული უნივერსიტეტის ნაწილი.

GIPA-ს პარტნიორი უნივერსიტეტებისა და გაცვლითი პროგრამების შესახებ დამატებითი ინფორმაცია, შეგიძლიათ იხილოთ აქ: პარტნიორი უნივერსიტეტები და გაცვლითი პროგრამები

რას ვისწავლი?

პროგრამის პირველ წელს:

• ეთიკურ, ფაქტზე დაფუძნებულ და დაბალანსებულ ჟურნალისტურ თხრობას
• მულტიმედიური (ფოტო, ვიდეო, აუდიო, ტექსტი) პროდუქტის წარმოების ტექნიკას (გადაღება, მონტაჟი)
• ხელოვნური ინტელექტის (AI) გამოყენებასა და როლს პროფესიაში
• მედია სტარტ-აპის შექმნის და მედია ორგანიზაციის მართვის პრინციპებს და მოდელებს
• მულტიმედიური პროდუქტის მარკეტინგს და დისტრიბუციას სხვადასხვა სოციალური და ციფრული პლატფორმების საშუალებით
• მონაცემთა ბაზებთან მუშაობას, ინფორმაციის მოძიებას და კრიტიკულ ანალიზს
• მედია სამართლის და ჟურნალისტური ეთიკის სტანდარტებს

პროგრამის მეორე წელს:

• ჟურნალისტიკის, მედიისა და კომუნიკაციის ძირითად თეორიებს, თანამედროვე მიდგომებს და მიმართულებებს
• აკადემიური და გამოყენებითი კვლევის მეთოდებს კომუნიკაციის სფეროში

ვინ ვიქნები?

მულტიმედიური ჟურნალისტიკისა და მედია მენეჯმენტის სამაგისტრო პროგრამის დასრულების შემდეგ შეძლებ კარიერა გააგრძელო ციფრული კომუნიკაციების სხვადასხვა სექტორში, მათ შორის მულტიმედიური ჟურნალისტიკის, მედია ანტრეპრენერშიპის და მენეჯმენტის, კინოდოკუმენტალისტიკის, პოდკასტის და სხვა მიმართულებებით:

• შეძლებ შექმნა მულტიმედიური პროდუქტი (ფოტო, ვიდეო, აუდიო, ტექსტი) სხვადასხვა მიზნობრივი აუდიტორიისთვის
• დააარსო და მართო შენი ციფრული მედია პლატფორმა
• დასაქმდე მედია ორგანიზაციაში როგორც ჟურნალისტი, მენეჯერი, სოციალური მედიის მენეჯერი
• გახდე სოციალური მედიის და ციფრული მარკეტინგის სპეციალისტი
• გახდე დოკუმენტური კინოს რეჟისორი, პროდუსერი
• გახდე გამომძიებელი ჟურნალისტი
• გახდე მედია მკვლევარი

დამატებითი ინფორმაციისათვის მიმართეთ:

პროგრამის ხელმძღვანელი

ნინო მახვილაძე 

E-mail: n.makhviladze@gipa.ge

ტელეფონი: +995 599 700 970  (WhatsApp, Signal, Viber)

მისამართი: თბილისი, "რუსთავის გზატკეცილი #22ა"