ენერგომენეჯმენტის 2 წლიანი უმაღლესი პროფესიული პროგრამა შემუშავდა USAID პროგრამა - დამსაქმებელი პროფესიული განათლებისთვის, ფინანსური მხარდაჭერით. პროგრამის მიზანია შემუშავდეს და დაინერგოს ისეთი პროფესიული საგანმანათლებლო პროგრამა, რომელიც უზრუნველყოფს როგორც ადგილობრივ, ასევე საერთაშორისო ბაზარზე კონკურენტუნარიანი კადრის მომზადებას.
რას ვისწავლი?
მიიღებ სიღრმისეულ ცოდნას რომ კვალიფიციურად აღწერო და გამოიყენო ენერგოეფექტურობასთან დაკავშირებული კანონმდებლობა და ტექნიკური ნორმები; გააანალიზო და შეაფასო სამრეწველო და საყოფაცხოვრებო ობიექტების საინჟინრო-ტექნიკური უზრუნველყოფის სისტემების ენერგოეფექტურობა; განსაზღვრო შენობების ენერგოეფექტურობა; შეაფასო ენერგიის ალტერნატიული წყაროების გამოყენების შესაძლებლობები და ეფექტიანობა; უზრუნველყო ენერგიის სამომხმარებლო მოთხოვნილების მართვა; გააანალიზო და შეაფასო სამიზნე ჯგუფების ინტერესები და საჭიროებები
ვინ ვიქნები?
სწავლის დასრულების შემდეგ მოგენიჭება უმაღლესი პროფესიული კვალიფიკაცია ენერგომენეჯმენტში და მენეჯერის პოზიციით შეძლებ დასაქმებას ენერგოეფექტურობის კანონმდებლობის მოთხოვნების აღსრულებასა და მონიტორინგზე პასუხისმგებელ საერთაშორისო, ცენტრალურ ან ადგილობრივ ადმინისტრაციულ ორგანოებსა და სააგენტოებში; ენერგიის მწარმოებელ, გადამცემ და გამანაწილებელ ენერგეტიკულ კომპანიებში; კუთვნილების მიუხედავად, ნებისმიერი ტიპის ენერგიის მომხმარებელ სამრეწველო და საყოფაცხოვრებო საწარმოებში; საპროექტო და სამშენებლო ორგანიზაციებში; დამოუკიდებელ აუდიტორებად და ინსპექტორებად; კვლევით ორგანიზაციებში, სასწავლო-საგანმანათლებლო დაწესებულებებში და ინსტიტუტებში, რომლებიც ორიენტირებულები არიან: ენერგოეფექტური ტექნოლოგიების განვითარებაზე; ენერგოეფექტურობის სპეციალისტების მომზადებაზე და გადამზადებაზე, როგორც მენტორები, ინსტრუქტორები ან ტექნიკური ექსპერტები
მისაღები ადგილების რაოდენობა: 64
სწავლების ენა: ქართული
მიღების წინაპირობა: 18 წელი, სრული ზოგადი განათლება და ერთიანი პროფესიული ტესტირება
ერთიანი პროფესიული ტესტირების შედეგები ავტომატურად გადმოეგზავნება უნივერსიტეტის ადმინისტრაციას.
პროფესიულ პროგრამაზე ჩასარიცხად ჯიპაში უნდა წარმოადგინო შემდეგი დოკუმენტები:
ჩარიცხვა მოხდება ერთიანი პროფესიული ტესტირების შედეგებისა და რეიტინგული სიების საფუძველზე.
სწავლა დაიწყება 2025 წლის 15 სექტემბერს
ერთიანი პროფესიული ტესტირების წარმატებით გავლის შემდეგ, დოკუმენტები უნდა წარმოადგინოთ შემდეგ მისამართზე: თბილისი, "რუსთავის გზატკეცილი #22ა" ან გამოაგზავნოთ ელექტრონულად შემდეგ მისამართზე:drdve@gipa.ge
სტუდენტის ინდივიდუალური გადასახადი - 1000 ლარი (წელიწადში 500ლარი)
10% იანი ფასდაკლება ვრცელდება იმ პროფესიულ სტუდენტზე, რომელსაც პროფესიული ტესტირების საფუძველზე რეიტინგულ სიაში აქვს ყველაზე მაღალი ქულა/შეფასება და სარგებლობს ქვემოთ ჩამოთვლილი სოციალური სტატუსებიდან ერთ-ერთით:
ა) სოციალურად დაუცველი პირი - უნდა წარმოადგინონ საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ „სოციალური მომსახურების სააგენტოს“ მიერ გაცემული ცნობა „სოციალურად დაუცველი ოჯახების მონაცემთა ბაზაში“ რეგისტრაციის თაობაზე, რომელიც გაცემული უნდა იყოს ცნობის უნივერსიტეტში წარმოდგენამდე არაუადრეს 2 თვისა
ბ) შეზღუდული შესაძლებლობების მქონე პირი - უნდა წარმოადგინონ სამედიცინო სოციალური ექსპერტიზის შემოწმების აქტის ამონაწერი ფორმა №50/II (ასლი)
გ) ოკუპირებულ ტერიტორიებზე მცხოვრები პირი - უნდა წარმოადგინონ საქართველოს მოქალაქის მოწმობა, პირადობის ნეიტრალური მოწმობა ან ნეიტრალური სამგზავრო დოკუმენტი
დ) ტერიტორიული მთლიანობის დაცვისთვის დაღუპულ პირთა შვილი/ოჯახის წევრი - უნდა წარმოადგინონ ვეტერანების საქმეთა სახელმწიფო სამსახურის მიერ გაცემული ცნობა, რომლითაც დასტურდება ტერიტორიული მთლიანობისთვის გარდაცვლილ პირთან ოჯახური კავშირი.
საბანკო რეკვიზიტები:
სს „ თიბისი ბანკი“
საბანკო კოდი (მფო): TBCB GE 22
მიმღების დასახელება - ააიპ საქართველოს საზოგადოებრივ საქმეთა ინსტიტუტი
ანგარიშის ნომერი - GE84TB1100000110700419 / GEL
*გადახდისას, დანიშნულებაში მიუთითეთ სახელი გვარი,პირადი ნომერი და პროგრამის სახელწოდება.
საქართველოს საზოგადოებრივ საქმეთა ინსტიტუტის (GIPA) სოფლის განვითარებისა და პროფესიული სწავლების დეპარტამენტის პარტნიორი ორგანიზაციებია:
შპს “ოპტიმალ გრუპი +”
შპს “ექსპერტს ფორ სოლუშენს”
შპს “სიბიდი დეველოპმენტი”
შპს “საქართველოს ტელერადიოცენტრი”
შპს “ჯორჯიან ჰოტელ მენეჯმეტი”
სს “კოკა-კოლა ბოთლერს ჯორჯია”
შპს "წინანდლის ძველი მარანი"
შპს "აჩინებული"
შპს "ბლაუენშტაინ საქართველო“
პროფესიული პროგრამის მოდულებს ახორციელებენ პროფესიული მასწავლებლები- დარგის მაღალკვალიფიციური სპეციალისტები, რაც სტუდენტებს საშუალებას აძლევს თეორიული ცოდნა განამტკიცონ პრაქტიკული უნარ-ჩვევებით. გარდა ამისა, სასწავლო პროცესში სტუდენტებს საშუალება ეძლევათ, შეხვდნენ მოწვეულ სტუმრებს (ადგილობრივ და საერთაშორისო ექსპერტებს და კომპანიების წარმომადგენლებს).
პროგრამა სრულად ინოვაციურია. მასთანავე, აღჭურვილია თანამედროვე მატერიალურ-ტექნიკური საშუალებებით და სწავლების უახლესი თეორიული, პრაქტიკული მეთოდებით. პერიოდულად, სტუდენტებს აქვთ საშუალება, შეხვდენენ დარგის სპეციალისტებს, ადგილობრივ და საერთაშორისო ექსპერტებს მრგვალი მაგიდის ფორმატში და განიხილონ დარგში არსებული გამოწვევები. მონაწილეობა მიიღონ ექსტრაკურიკულურ აქტივობებსა და შიდა საუნივერსიტეტო საგრანტო პროგრამებში და განახორციელონ პროექტები.
თქვენ საშუალება გაქვთ პროფესიულ მოდულებს დაეუფლოთ და ყოველდღიურ სასწავლო პროცესში შეხება გქონდეთ დარგის წამყვან, მაღალკვალიფიციურ, ენერგეტიკის სფეროში მოქმედ ექსპერტებთან / სპეციალისტებთან. აგრეთვე, სტუდენტების კარიერული განვითარების მიზნით, იმართება დასაქმების ფორუმები, პოტენციურ დამსაქმებლებთან შეხვედრა და ინფორმაციის გაზიარება/კონსულტირება ვაკანსიების, სტაჟრების და სხვა კარიერული შესაძლებლობების შესახებ.
მობ: 591 19 43 08;
მისამართი: თბილისი, რუსთავის გზატკეცილი #22ა.
