სასტუმროს საქმის მენეჯმენტი

ბიზნესის მოდული

1.ბიზნესის საფუძვლები / 10 შეხვედრა - ბიზნესის მართვის ძირითადი პრინციპების და მისი მნიშვნელობის გაცნობა მიკრო და მაკრო დონეზე. ბიუჯეტის შედგენის, დანახარჯების კლასიფიკაციის, BEP ანალიზის ჩატარების, ბიზნესის გეგმის სტრუქტურის და მომზადების მეთოდების შესწავლა.

ლექტორი: გიორგი თურქია - PhD, ექსპერტი ბიზნესის დაგეგმარების და მენეჯმენტის საკითხებში

2.მარკეტინგი  / 10 შეხვედრა - მარკეტინგის რაობის, მისი ძირითადი პრინციპების და მოდელების, სტრატეგიული მარკეტინგის საფუძვლების, მარკეტინგული საკომუნიკაციო სტრატეგიის შექმნის პრინციპების და სტრატეგიის იმპლიმენტაციისათვის აუცილებელი ელემენტების გაცნობა. 

ლექტორი: ნინო კვაჭანტირაძე - სტრატეგიული დაგეგმარების დირექტორი, საქართველოს ბანკი

3.ბრენდინგი  / 8 შეხვედრა - სტრატეგიული ბრენდინგის თეორიული და პრაქტიკული საფუძვლების და მისი მნიშვნელობის გაცნობა საკუთარი ბრენდების მართვის პროცესში. მომსახურების ბრენდის შექმნის და მის მართვასთან დაკავშირებული საკითხების შესწავლა.

ლექტორი: შოთა ჩინჩალაძე - ბრენდ-კონსულტანტი, სტრატეგიული ბრენდინგის სააგენტო „LIVE“ 

4.ციფრული მარკეტინგი / 7 შეხვედრა - სოციალური მედია მარკეტინგის არსის გაცნობა. სოციალური მედია არხების მარკეტინგული მიზნებისათვის გამოყენება და სოციალური მედია კამპანიების დაგეგმვა. 

ლექტორი: გიორგი კენჭუაშვილი - "4Media"-ს დამფუძნებელი და სტრატეგიული განვითარების მენეჯერი 

5.ეფექტური კომუნიკაციის ტექნიკა / 8 შეხვედრა - ეფექტური კომუნიკაციის წარმართვისათვის საჭირო ძირითადი ტექნიკების გაცნობა. კარგი პრეზენტაციის დაგეგმვის, მომზადების და წარდგენის უნარ-ჩვევების გამომუშავება. 

სასტუმროს მოდული

6.მიღება-განთავსების დეპარტამენტის მენეჯმენტი (Front Office Management) / 6 შეხვედრა - სასტუმრო ინდუსტრიის მიმოხილვა, შესავალი სასტუმროს მენეჯმენტში, სასტუმროს ტიპები და მომსახურების თავისებურებები. სტუმრის რეგისტრაცია, დაჯავშნა და გაწერა. პრობლემური სიტუაციების მენეჯმენტი სასტუმროში.

ლექტორი: დავით ჭავჭანიძე - მიღება-განთავსების და დასუფთავების დეპარტამენტების მენეჯერი - სასტუმრო "თბილისი მერიოტი"

7.დასუფთავების სამსახური (Housekeeping) / 5 შეხვედრა - სასტუმროში დასუფთავების დეპარტამენტის სტრუქტურა და ფუნქციები. დასუფთავების სამსახურის ოპერაციული პროცესი.

ლექტორი: ოქსანა ხოდინ - დასუფთავების სამსახურის ხელმძღვანელი, სასტუმრო „რედისონ ბლუ ივერია“ თბილისი 

8.ადამიანური რესურსების მართვა სასტუმროში / 6 შეხვედრა - ძირითადი HR და Hospitality მიმართულებების შესახებ ცოდნის მიღება და პრაქტიკაში გამოყენების სტრატეგიების შემუშავება.

ლექტორი: ნინო ბართაია - ადამიანური რესურსების მართვის მენეჯერი, აჭარა ჯგუფი“ (ჰოლიდეი ინი თბილისი, რუმსი ყაზბეგი, რუმსი თბილისი, ფაბრიკა ჰოსტელი)

9.გაყიდვების მენეჯმენტი / 6 შეხვედრა - გაყიდვების საფუძვლების შესწავლა, სასტუმრო ინდუსტრიაში მაქსიმალური მოგების მიღების მიზნით. 

ლექტორი: მარიამ სეხნიაშვილი - კორპორატიული გაყიდვების კოორდინატორი, აჭარა ჯგუფი“

10.შესყიდვები / 6 შეხვედრა - სასტუმროში შესყიდვების განყოფილების მუშაობის, სტრუქტურის და ფუნქციის გაცნობა.

11.კვებისა და სასმელების მენეჯმენტი (Food and Beverage Management) / 6 შეხვედრა - პროფესიული კადრის მომზადება, რომელიც შეძლებს მომხმარებლის სურვილის დაკმაყოფილებას სხვადასხვა ტიპის კვების ობიექტებზე.

ლექტორი: ილია საგანელიძე - კვებისა და სასმელების სერვის მენეჯერი, სასტუმრო „რედისონ ბლუ ივერია“ თბილისი

12.ღონისძიებათა მენეჯმენტი / 5 შეხვედრა - დამკვეთის მოთხოვნის გაანალიზება, ღონისძიების დაგეგმვა, ბიუჯეტის და შეთავაზების გაკეთება, ღონისძიების საოპერაციო ნაწილის გაკონტროლება. 

ლექტორი: ნინო პატარიძე - ღონისძიებების მენეჯერი, „აჭარა ჯგუფი“ (ჰოლიდეი ინი თბილისი, რუმსი ყაზბეგი, რუმსი თბილისი, ფაბრიკა ჰოსტელი)

13.რისკების და დანაკარგების მენეჯმენტი - ერთდღიანი 6 საათიანი ტრენინგი  - უსაფრთხოების სისტემა და დანაკარგების მართვა სასტუმროში.

ლექტორი: ლევან ოთარიშვილი - დანაკარგების პრევენციის მენეჯერი, „აჭარა ჯგუფი“ (ჰოლიდეი ინი თბილისი, რუმსი ყაზბეგი, რუმსი თბილისი, ფაბრიკა ჰოსტელი)

14.ფინალური პროექტი - სალექციო პროცესის დასრულების შემდეგ, მიღებული ცოდნის საფუძველზე, მსმენელები მუშაობენ ფონალურ, ინდივიდუალურ პროექტზე. 

სწავლის ხანგრძლივობა: 20 კვირა (სალექციო პროცესი). სწავლა დაიწყება 2018 წლის 1 ოქტომბერს.

ლექციები ჩატარდება კვირაში ხუთჯერ, სამუშაო დღეებში - საღამოს 19:00-დან 22:00-მდე; შაბათობით – დღის პირველ ან მეორე ნახევარში.

კურსის მოცულობა: 260 საათი

სწავლების ენა: ქართული

სასერტიფიკატო პროგრამით დაინტერესებულმა პირებმა უნდა გადმოაგზავნონ პირადობის მოწმობის ასლი და CV საკონტაქტო მეილზე (n.kochiashvili@gipa.ge) და შეავსონ სააპლიკაციო ფორმა.

საბუთების მიღების ბოლო ვადა: 2018 წლის 24 სექტემბერი.

საბუთების მიღების შემდეგ, 25 სექტემბერს ჩატარდება გასაუბრება მიმღებ კომისიასთან.

შერჩევის კრიტერიუმები:

• მოტივაცია
• კომუნიკაციის უნარი

სასურველია ინგლისური ენის ცოდნა (B2 დონე).

პროგრამის ღირებულება: 2400 ლარი

გადახდის გრაფიკი: თანხის გადახდა ხდება 2 ეტაპად

I ეტაპი – 1800 ლარი – 2018 წლის 8 ოქტომბრამდე

II ეტაპი – 600 ლარი – 2018 წლის 12 ნოემბრამდე

პროგრამაზე გათვალისწინებული არის შემდეგი სახის ფასდაკლებები:

• GIPA – ს კურსდამთავრებულთათვის – 10%
• ოჯახის წევრების ერთ კურსზე ერთდროულად სწავლის შემთხვევაში – 10%

კორპორატიული ფასდაკლება

ერთ ორგანიზაციაში დასაქმებული პირები სარგებლობენ შემდეგი სახის ფასდაკლებებით:

• ორი ან სამი თანამშრომელი – 10%
• ოთხი თანამშრომელი – 15%
• ხუთი ან მეტი თანამშრომელი – 20%

პროგრამით დაინტერესებულ პირს შეუძლია ისარგებლოს მხოლოდ ერთი ფასდაკლებით.

თანხა უნდა ჩაირიცხოს ქვემოთ მითითებულ საბანკო რეკვიზიტებზე:

საბანკო კოდი (მფო) – TBCB GE 22

მიმღების დასახელება – ააიპ საქართველოს საზოგადოებრივ საქმეთა ინსტიტუტი

ანგარიშსწორების ანგარიში– GE84TB1100000110700419 / GEL

გთხოვთ, გადახდისას დანიშნულებაში მიუთითეთ პირადი ნომერი და პროგრამის სახელწოდება.

სწავლის დასრულების შემდეგ, მონაწილეებს გადაეცემათ სასტუმროს საქმის მენეჯერის სერტიფიკატი. სერტიფიკატი გაიცემა გრეიდების მიხედვით.

მოთხოვნა სერტიფიკატის მისაღებად:

• თითოეულ საგანში მინიმალური, დადებითი შეფასების მიღება;
• ფინალური, ინდივიდუალური პროექტის მომზადება და წარდგენა.

ნინო ქოჩიაშვილი

სასერტიფიკატო პროგრამების კოორდინატორი
ტრენინგებისა და კონსულტაციების ცენტრი
მის: მარი ბროსეს 2, მესამე სართული. 0108, თბილისი 
ელფოსტა: n.kochiashvili@gipa.ge
მობ: +995 599 77 86 86