ლეონის უნივერსიტეტი (ULE) არის საჯარო უნივერსიტეტი ესპანეთის ქალაქ ლეონში, რომელსაც მეორე კამპუსი ქალაქ პონფერადაში აქვს. უნივერსიტეტი ოფიციალურად 1979 წელს დაარსდა, თუმცა მისი ისტორია 1843 წლიდან იწყება, რაც მას ხანგრძლივი აკადემიური ტრადიციისა და უმაღლესი განათლების სფეროში ძლიერი რეპუტაციის მქონე დაწესებულებად აქცევს.
ULE სტუდენტებს სთავაზობს აკადემიური პროგრამების ფართო არჩევანს, მათ შორის 39 საბაკალავრო პროგრამას, მრავალ სამაგისტრო პროგრამასა და 17 სადოქტორო პროგრამას. სასწავლო მიმართულებები მოიცავს ვეტერინარულ მედიცინას, ინჟინერიას, საბუნებისმეტყველო მეცნიერებებს, განათლებას, სამართალს, ბიზნესსა და ჰუმანიტარულ მეცნიერებებსა. უნივერსიტეტი განსაკუთრებით ცნობილია თავისი ვეტერინარული მედიცინის ფაკულტეტით, ასევე სამეცნიერო კვლევებისა და ინოვაციებისადმი ერთგულებით.
საერთაშორისო თანამშრომლობის გაძლიერება უნივერსიტეტის ერთ-ერთი მთავარი პრიორიტეტია. ULE თანამშრომლობს მსოფლიოს წამყვან უნივერსიტეტებთან, მათ შორის ვაშინგტონის უნივერსიტეტთან (University of Washington) და სიანგტანის უნივერსიტეტთან (Xiangtan University), ასევე არის ევროპული საუნივერსიტეტო ალიანსის EURECA-PRO წევრი.
უნივერსიტეტის თანამედროვე ინფრასტრუქტურა, მათ შორის მოწინავე კვლევითი ცენტრები და Caléndula-ს სუპერკომპიუტერი, უზრუნველყოფს როგორც აკადემიური, ისე სამეცნიერო საქმიანობის მაღალ ხარისხს.
2024-2027 წწ. GIPA-სა და University of León-ს შორის თანამშრომლობა ხორციელდება „Erasmus+“-ის პროგრამის ფარგლებში; (International Credit Mobility: -სტუდენტებისა და ადმინისტრაციული/აკადემიური პერსონალის გაცვლა);
თანამშრომლობის მიმართულებები: ბიზნესი, ეკონომიკა;
