GIPA განახლებული საერთაშორისო სტანდარტებით ავტორიზებულ უნივერსიტეტთა ხუთეულშია

საქართველოში დანერგილ ახალ საერთაშორისო სტანდარტებთან შესაბამისობის მიხედვით ავტორიზებული 24 უნივერსიტეტიდან GIPA საუკეთესო ხუთეულშია

საქართველოში უმაღლესი განათლების რეფორმის ფარგლებში შემოთავაზებული ავტორიზაციის განახლებული საერთაშორისო სტანდარტებით, რომელიც 2017 წლამდე არსებული სამი სტანდარტის ნაცვლად 7 სტანდარტისა და 19 ქვესტანდარტის დაკმაყოფილებას გულისხმობს, საქართველოში ავტორიზაცია 28 უმაღლესმა საგანმანათლებლო დაწესებულებამ გაიარა. მათგან ავტორიზაცია მიიღო 24–მა უნივერსიტეტმა, მათ შორის საქართველოს საზოგადოებრივ საქმეთა ინსტიტუტმა (GIPA), რომელიც განახლებული საერთაშორისო სტანდარტებით ავტორიზებულ უნივერსიტეტთა ხუთეულშია.

შრომის უსაფრთხოებისა და გარემოს დაცვითი ტექნოლოგიების პროფესიული პროგრამის ღია კარის დღე

12 ნოემბერი

8 ნოემბერს, პროფესიული განათლება ეკონომიკის განვითარებისთვის - ISWD Project-ის პროფესიული განთლების კვირეულის ფარგლებში GIPA-ში მეხუთე საფეხურის პროფესიული პროგრამის ღია კარის დღე გაიმართა. აღნიშნული პროგრამა ხორციელდება ათასწლეულის გამოწვევის ფონდი - საქართველო | MCA - Georgia - ფინანსური მხარდაჭერით.

აღნიშნულ ღონისძიებას ესწრებოდნენ დაინტერესებული აბიტურიენტები, დონორი ორგანიზაციების წარმომადგენლები, დარგის ექსპერტები, ლექტორები, პროექტის განმახორციელებელი გუნდი და ა.შ.

პროექტის განმახორციელებელი გუნდის წევრებმა და დარგის ექსპერტებმა აბიტურიენტებს გააცნეს პროგრამა და ისაუბრეს ზოგადად დარგის სპეციფიკაზე და მის მნიშვნელობაზე დღევანდელ დღეს.

ღონისძიებას ასევე ესწრებოდნენ პროფესიული პროგრამის შრომის უსაფრთხოება და გარემოსდაცვითი ტექნოლოგიების პირველი და მეორე კურსის სტუდენტები, რომელბმაც აბიტურიენტებს გააცნეს პროექტის ფარგლებში შეძენილი უახლესი აღჭურვილობა და გასცეს პასუხი მათ შეკითხვებს.