GIPA-ს აუდიო-ვიზუალური ხელოვნების საბაკალავრო პროგრამის სტუდენტებმა ნინი ამაშუკელმა, ანუცა აბულაძემ, ცოტნე ყაველაშვილმა და დემეტრე წულაძემ საერთაშორისო სტუდენტურ ფესტივალში მიიღეს მონაწილეობა. ღონისძიება 2026 წლის 25 მარტიდან 2 აპრილამდე ქ. მეხელენში, ბელგიაში, თომას მორის გამოყენებითი ხელოვნების უნივერსიტეტში გაიმართა და ის Erasmus+ პროგრამის მხარდაჭერით განხორციელდა.
ბელგიის, ჰოლანდიის, იტალიის, საქართველოსა და გერმანიის უნივერსიტეტებიდან 60 სტუდენტი საერთაშორისო გუნდებში გაერთიანდნენ. მონაწილეებმა მცირე დროში წარადგინეს იდეები, დაწერეს სცენარები და საბოლოოდ 12 ჯგუფური ფილმი გადაიღეს.
GIPA-ს პროფესორები ადგილობრივ მენტორებთან ერთად სტუდენტებს ფილმის შექმნის ყველა ეტაპზე, იდეიდან საბოლოო პრეზენტაციამდე, მენტორობას უწევდნენ.
ფესტივალის დასკვნით საღამოზე სხვადასხვა ნომინაციაში გამარჯვებული მონაწილეები და გუნდები გამოვლინდნენ. განსაკუთრებით სასიხარულოა, რომ GIPA-ს სტუდენტები ხუთი ჯილდოდან ორი მნიშვნელოვანი ჯილდოს მფლობელები გახდნენ. კერძოდ, ნინი ამაშუკელმა აღიარება მოიპოვა საუკეთესო ოპერატორული ნამუშევარის, ხოლო ანუცა აბულაძე - საუკეთესო თანა-სცენარისტის ნომინაციაში.
მულტი-კულტურულ გარემოში, ინტენსიურ რეჟიმში ფილმებზე მუშაობა სტუდენტებისთვის მნიშვნელოვანი პროფესიული გამოცდილება და საერთაშორისო თანამშრომლობის შესაძლებლობა აღმოჩნდა.
