GIPA-მ უმასპინძლა საერთაშორისო კონფერენციას „არალეგალური ვაჭრობის სოციალურ-ეკონომიკური და პოლიტიკური განზომილებები“, რომელიც 2025 წლის 14-15 მარტს, ფრონტლაინ კლუბში ჩატარდა. კონფერენციაზე განხილული თემები უკანონო ვაჭრობასა და გეოპოლიტიკურ დინამიკას შორის არსებულ კომპლექსურ ურთიერთობებს მოიცავდა და საქართველოსთვის დამახასიათებელ უნიკალურ გამოწვევებზე იყო ფოკუსირებული.
ღონისძიებამ ექსპერტები ევროპის 14-ზე მეტი ქვეყნიდან და საქართველოს უნივერსიტეტებიდან გააერთიანა და ხელი შეუწყო თანამშრომლობას და ცოდნის გაცვლას ისეთ დისციპლინებში, როგორიცაა პოლიტიკური მეცნიერებები, ეკონომიკა, მედია და გარემოს დაცვა. მასში მონაწილეობა GIPA-ს პროფესორებმა, ჟურნალისტიკის სკოლის სტუდენტებმა და კურსდამთავრებულებმა მიიღეს. კონფერენცია GIPA-ს რექტორმა, მაკა იოსელიანმა და სამუშაო ჯგუფის ხელმძღვანელმა, იტალიელმა პროფესორმა დანიელა ირერამ გახსნეს, რომლებმაც სამომავლო თანამშრომლობის გეგმებზეც ისაუბრეს.
კონფერენცია ჩატარდა COST (ევროპის კოოპერაცია მეცნიერებასა და ტექნოლოგიებში) ქმედების - გლობალიზაცია უკანონო ვაჭრობა, მედეგობა და უსაფრთხოების ფარგლებში. ამ ქმედების მმართველი კომიტეტის წევრის პროფესორ თიკო ცომაიას კოორდინაციითა და GIPA-ს კვლევითი დეპარტამენტის ორგანიზებით.
COST არის მთავრობათაშორისი ჩარჩო, რომელიც 41-ზე მეტ ქვეყანას აერთიანებს და საშუალებას აძლევს ამ ქვეყნების მკვლევრებს, მონაწილეობა მიიღონ მეცნიერებისა და ტექნოლოგიების განვითარებაში მკვლევრებთან თანამშრომლობითა და გამოცდილების გაზიარებით.
