გამოცხადდა გარე მობილობა GIPA-ს უმაღლეს საგანმანათლებლო პროგრამებზე!
გარე მობილობა
მობილობის ფარგლებში, დაინტერესებულ სტუდენტებს საშუალება ეძლევათ გადმოვიდნენ და სწავლა გააგრძელონ GIPA-ს საგანმანათლებლო პროგრამებზე.
სტუდენტებს მობილობის წესით სწავლის გაგრძელების საშუალება ეძლევათ წელიწადში ორჯერ, შემოდგომისა და გაზაფხულის სემესტრებში, სსიპ - განათლების ხარისხის განვითარების ეროვნული ცენტრის მიერ დადგენილ ვადებში.
სტუდენტს მობილობის უფლება წარმოეშვება უმაღლესი განათლების შესაბამის საფეხურზე სწავლების ერთი წლის შემდგომ.
GIPA-ში მობილობის წესით სწავლის გაგრძელების მსურველები უნდა დარეგისტრირდნენ - სსიპ - განათლების ხარსხის განვითარების ეროვნული ცენტრის მობილობის ელექტორნულ პორტალზე.
სტუდენტები, რომლებიც განათლების ხარისხის განვითარების ეროვნული ცენტრიდან მოიპოვებენ GIPA-ში მობილობის წესით გადმოსვლის უფლებას, წერილობით უნდა მიმართონ უნივერსიტეტის ადმინისტრაციას.
წარმოსადგენი დოკუმენტაცია:
- პირადობის ასლი;
- ნიშნების ფურცელი;
- ატესტატის ასლი;
- სამხედრო მიწერის ასლი (ვაჟებისთვის);
- ფოტოსურათი 3/4;
- NAEC-სერტიფიკატის ასლი.
გთხოვთ, გაითვალისწინოთ, რომ აუდიო-ვიზუალური ხელოვნების საბაკალავრო პროგრამებზე მობილობის შემთხვევაში, შემოქმედებითი კონკურსის გავლა სავალდებულოა.
შემოქმედებით კონკურსზე რეგისტრაცია იწარმოებს ელექტრონულად 3 თებერვლის ჩათვლით.
GIPA იტოვებს უფლებას, დაადგინოს დამატებითი მოთხოვნები მობილობის წესით სტუდენტის ჩარიცხვასთან დაკავშირებით, რაც შეიძლება დაკავშირებული იყოს შიდა გამოცდასთან, დოკუმენტაციის განხილვასთან ან გასაუბრების წარმატებით გადალახვასთან.
2024-2025 სასწავლო წლის გაზაფხულის სემესტრის გარე მობილობის ვადები სხვა დანარჩენ უმაღლეს საგანმანათლებლო პროგრამებზე :
- გარე მობილობით სარგებლობის მსურველ პირთა მიერ დოკუმენტაციის წარმოდგენა:
29 იანვრიდან 7 თებერვლის ჩათვლით, 18:00 საათამდე. - კომისიის მიერ, გარე მობილობით სარგებლობის მსურველ პირთა მიერ წარდგენილი დოკუმენტაციის შესწავლა და მათთან გასაუბრება: 10 თებერვლიდან 14 თებერვლამდე.
- შესაბამისი საგანმანათლებლო პროგრამის ხელმძღვანელების მიერ გარე მობილობით სარგებლობის მსურველ პირთა კრედიტების აღიარება: არაუგვიანეს 17 თებერვლისა.
- უმაღლესი საგანმანათლებლო პროგრამის კოორდინატორების მიერ გარე მობილობით სარგებლობის მსურველ პირთათვის კრედიტების გაცნობა და წერილობითი სახით დადასტურება (თანხმობა ან უარი): არაუგვიანეს 17 თებერვლისა.
გარე მობილობის სარგებლობის მსურველები უნდა დაუკავშირდნენ შესაბამისი პროგრამის კოორდინატორებს.
