პროფესურა

გამოცდილების მოკლე აღწერა

ნინო აბზიანიძე საქართველოს საზოგადოებრივ ურთიერთობათა ინსტიტუტის (GIPA) ასოცირებული პროფესორი და სოციალურ მეცნიერებათა ცენტრის (CSS) უფროსი მკვლევარია. პოლიტიკის მეცნიერების დოქტორის ხარისხი მას ციურიხის უნივერსიტეტისგან მიენიჭა. სხვადასხვა დროს, იგი მუშაობდა პოსტსადოქტორო მკვლევრად კოპენჰაგენის უნივერსიტეტსა და ბუდაპეშტში, ცენტრალური ევროპის უნივერსიტეტში. ასევე, იმყოფებოდა კვლევითი ვიზიტით ლიდსის უნივერსიტეტის მედიისა და კომუნიკაციის სკოლაში. მისი საუნივერსიტეტო სწავლების გამოცდილება მოიცავს ისეთ ინსტიტუციებს, როგორიც არის ციურიხისა და ფრიბურგის უნივერსიტეტები, ასევე, თბილისის სახელმწიფო უნივერსიტეტი. გარდა ამისა, აქვს სხვადასხვა საერთაშორისო პროექტების ფარგლებში ტრენინგების ჩატარების მდიდარი გამოცდილება. მისი კვლევითი ინტერესები შეეხება პოლიტიკური კომუნიკაციის საკითხებს ეთნიკურად დაყოფილ საზოგადოებებში და მეტწილად მოიცავს მედია კვლევებს დემოკრატიზაციის, ევროპეიზაციის, ნაციონალიზმისა და სამოქალაქო კონფლიქტების კონტექსტში. ამჟამად, ნინო, როგორც CSS-ის მკვლევარი, ჩართულია ევროკავშირის ჰორიზონტი2020-ის პროექტში MediatizedEU, რომელიც ელიტა-მედია-საზოგადოების სამკუთხედზე დაკვირვებით, შეისწავლის, თუ როგორ ხდება ევროპული პროექტის ირგვლივ მედია დისკურსების კონსტრუირება და როგორ რეზონირებს ეს დისკურსები ელიტებსა და საზოგადოებაში.  

სასწავლო კურსები: 

• პოლიტიკური კომუნიკაცია
• ინგლისური პოლიტიკის მეცნიერებისთვის
• ნაციონალიზმი, დემოკრატიზაცია და მედია (მულტიმედიური ჟურნალისტიკისა და მედია მენეჯმენტის სამაგისტრო პროგრამა)

კვლევები და პუბლიკაციები (ბოლო 5 წელი): 

• Tsuladze, Lia, Abzianidze Nino, Amashukeli Mariam and Lela Javakhishvili (2023): De-Europeanization as discursive disengagement: has Georgia “got lost” on its way to European integration? Journal of European Integration, DOI: 10.1080/07036337.2023.2278072
• Abzianidze, N (2021). Media Coverage of Ultranationalist Groups in Georgia: Mapping the Structure of the Discourse. Working Paper #15, Georgian Institute of Politics (GIP), Tbilisi, Georgia. 
• Tsomaia, T., Abzianidze, N. & Makhviladze N. (2021). Migration coverage by Georgian media: Media monitoring study covering the period 2019-2021.  Prepared by the Georgian Institute for Public Affairs on behalf of International Centre for Migration PolicyDevelopment (ICMPD) Vienna – Austria. December, 2021, Tbilisi, Georgia.
• Abzianidze, N. (2020). Us vs. Them as Structural Equivalence: Analysing Nationalist Discourse Networks in the Georgian Print Media, Politics & Governance, 8 (2), pp. 243-256.
• Abzianidze, N. (2020) Democratization, Nationalism and Media on the Path to Civil Conflict: Structure and Dynamics of Nationalist Appeals in Georgian Print Media, University of Zurich. https://doi.org/10.5167/uzh-186209 

პროექტები: 

• ჰორიზონტი2020: „მედიატიზირებული ევროპა: ევროპეიზაციის მედიატიზირებული დისკურსები და მათი საზოგადოებრივი აღქმები“;

• Erasmus CBHE: “Capacity building in higher education curriculum development – Joint MA Program in Political Science JOPSCIP“; 
• ჯიპას კვლევითი გრანტით დაფინანსებული სამეცნიერო პროექტი: „უკრაინის ომით გამოწვეული იმიგრაციის გაშუქება ქართულ მედიაში“;

კვლევითი ინტერესები: 

პოლიტიკური კომუნიკაცია; დემოკრატიზაცია; ნაციონალიზმი; ევროპეიზაცია; ეთნიკურად დაყოფილი საზოგადოებები; მედია კვლევები; პოლიტიკური მეთოდოლოგია; რაოდენობრივი კონტენტ ანალიზი; ტექსტის ანალიზი; სოციალური ქსელური ანალიზი (SNA).