ადამიანური რესურსების მართვის საკონსულტაციო მომსახურება GIPA-ში

HR საკონსულტაციო მომსახურების მიზანია ექსპერტული კონსულტაციებისა და მხარდაჭერის აღმოჩენა ორი მიმართულებით: (1) საჯარო უწყებების და (2) მცირე ბიზნესების, სტარტაპების, დიდი კორპორაციების მფლობელებისა თუ ადამიანური რესურსების მართვის მენეჯერებისა თუ მფლობელებისათვის.

ინდივიდუალური და ჯგუფური ქოუჩინგი და საკონსულტაციო მომსახურება გამიზნულია HR მენეჯერებისა და ორგანიზაციების მფლობელებისათვის, რომელთაც სურთ მათი ორგანიზაციის ყოველდღიური HR საქმიანობის დანერგვა, გაუმჯობესება და ეფექტიანი მართვა.

საკონსულტაციო მომსახურება ასევე განკუთვნილია იმ სტარტაპებისა და ბიზნესების წარმომადგენლებისათვის,  რომლებსაც აქვთ შემდეგი სახის კითხვები:

• როგორ ვმართო თანამშრომელთა შესახებ ინფორმაციები?
• როგორ დავიცვა სახელმწიფო რეგულაციები და დადგენილებები, როგორც დამსაქმებელმა თანამშრომლებთან დაკავშირებით?
• როგორ გავცე ხელფასები და რა უნდა გავითვალისწინო ამ დროს?
• ფიქსირებული ხელფასები ჯობია დავუნიშნო, თუ ფიქსირებულს დამატებული ბონუსური სქემა, ან გამომუშავებაზე ავიყვანო თანამშრომელი?
• როგორ შევადგინო და ვმართო სახელფასო ბიუჯეტი?
• როგორ შევაფასო თანამშრომლები და წავახალისო ისე, რომ სხვების დემოტივაცია არ გამოვიწვიო?

რას გთავაზობთ?

1. თქვენზე მორგებულ გადაწყვეტებს - HR კონსულტანტებთან ერთად, გააანალიზებთ არსებულ საჭიროებებს, შექმნით ან განაახლებთ არსებულ დოკუმენტებს, გადაწყვეტთ თქვენთან არსებულ გამოწვევებს და გაეცნობით საუკეთესო პრაქტიკებს.
2. სწრაფ პასუხებს არსებულ შეკითხვებზე - პროფესიონალებთან ერთად, სხვადასხვა მიმართულებით შეძლებთ მიიღოთ სანდო რჩევები, იქნება ეს ადმინისტრაირების საკითხები, შეფასება, ანალიტიკა თუ რეპორტინგი.
3. მოქნილ მომსახურებას - დამატებითი კონტრაქტების გაფორმებისა თუ გრძელვადიანი შეთანხმებების გარეშე, მარტივად შეგიძლიათ დაგეგმოთ ონლაინ ან ჰიბრიდული შეხვედრები ექსპერტებთან და სწრაფად გადაჭრათ არსებული საკითხები.
4. შესაბამისობასა და რისკების მართვას - იყავით თანმიმდევრული ნებისმიერი ტიპის კანონმდებლობის ცვლილებასთან მიმართებაში და მარტივად, შემცირებული რისკებით მართეთ სამართლებრივ საკითხებთან დაკავშირებული სირთულეები.
5. სტრატეგიულ მართვას - მოიყვანეთ თქვენი HR პოლიტიკა ბიზნეს მიზნებთან შესაბამისობაში. ერთობლივი სტრატეგიული დაგეგმვის შემთხვევაში, დაგეხმარებით გრძელვადიან ზრდასა და წარმატების მიღწევაში.

როგორ გთავაზობთ?

კონსულტაციისა თუ სხვა ტიპის მომსახურების საჭიროების შემთხვევაში, უნდა შეავსოთ სარეგისტრაციო ფორმა და კოორდინატორი დაგიკავშირდებათ დეტალების დასაზუსტებლად.

შეხვედრებზე დასწრება შესაძლებელია ინდივიდუალურად ან ჯგუფურად, მაქსიმუმ 3 ადამიანის ოდენობით.

შეხვედრების ფორმატი

საკონსულტაციო შეხვედრები შესაძლოა ჩატარდეს როგორც დისტანციურად, ასევე აუდიტორულ რეჟიმში (ჯიპას შენობაში). საკონსულტაციო შეხვედრები ჩატარდება საღამოს საათებში - 19:00-დან 22:00 საათამდე, ან შაბათ დღეს (დღის პირველ ნახევარში).

საკონსულტაციო მომსახურების თემატიკა 

შეხვედრის დასაგეგმად, მნიშნვნელოვანია სარეგისტრაციო ფორმაში მონიშნოთ და აარჩიოთ თქვენთვის სასურველი თემები, კერძოდ:

1. თანამშრომელთა ადმინისტრირება - ორგანიზაციული სტრუქტურის მიხედვით საშტატო განრიგის შემუშავება, სახელფასო ფაილის შემუშავება და სხვა.
2. სამუშაო აღწერილობების შემუშავება/დახვეწა
3. გრეიდების სისტემის შემუშავება ან/და გამართვა - სტრუქტურისა და სამუშაო აღწერილობების მიხედვით პოზიციების რანჟირება
4. შეფასების სისტემის შამუშავება ან არსებულის გაუმჯობესება - ორგანიზაციაში არსებული პროცესების, სამუშაო აღწერილობების მიხედვით შეფასების მეთოდების შემუშავება და დანერგვაში დახმარება
5. საბონუსე სისტემის შემუშავება ან/და გამართვა - სამუშაო აღწერილობებზე და პოზიციის ფუნქციებზე დაყრდნობით საბონუსე სისტემის დანერგვის რელევანტურობის განსაზღვრა და ბონუსირების სქემის შემუშავებაში დახმარება
6. სახელფასო სისტემის დახვეწა - ხელფასების მატების პრინციპის შემუშავებაში დახმარება, შიდა და გარე სამართლიანობის პრინციპის გათვალისწინება.
7. ადამიანური რესურსების სტრატეგიული მართვა - ზოგადი კონსულტაციები ადამიანური რესურსების მართვასთან მიმართებაში.

თითოეული თემა სარეგისტრაციო ფორმაში ჩაშლილია ქვეთემებად, რომ გაგიმარტივდეთ შერჩევის პროცესი, ხოლო ჩვენ გაგვიმარტივდეს თქვენს საჭიროებებზე მორგებული დაგეგმარება.

შეგიძლიათ ასევე, კომენტარის ველში მოგვწეროთ თქვენი შეკითხვები ან კონკრეტული საკითხი, რაზეც გსურთ კონსულტაციის მიღება.

ვინ შეიძლება ისარგებლოს აღნიშნული სერვისით:

• კომპანიის მენეჯმენტმა, რომელიც გამოყოფს წარმომადგენელს (უმჯობესია HR მიმართულებიდან);
• HR სასერტიფიკაციო კურსის კურსდამთავრებულმა, რომელსაც სურს თეორიული და პრაქტიკული საკითხები კონკრეტულ კომპანიას და იქ მიმდინარე პროცესებს მოარგოს და დანერგოს;
• მოქმედმა HR-მა, რომელსაც სურს ზემოთ ჩამოთვლილი სისტემ(ებ)ის შემუშავება და დანერგვა.