სომხეთის სახელმწიფო ეკონომიკის უნივერსიტეტი (ASUE) დაარსდა 1930 წელს და 1975 წელს რეორგანიზაცია განიცადა. იგი წარმოადგენს სომხეთის უმსხვილეს ეკონომიკურ უნივერსიტეტს, რომელსაც 30 000-ზე მეტი კურსდამთავრებული ჰყავს.
უნივერსიტეტი სთავაზობს აკრედიტებულ საბაკალავრო, სამაგისტრო და სადოქტორო პროგრამებს ეკონომიკის, მენეჯმენტისა და სტატისტიკის მიმართულებებით. სწავლება ხორციელდება ექვსი დეპარტამენტის ფარგლებში, მათ შორის ფინანსების, მარკეტინგის, ბუღალტრული აღრიცხვისა და კომპიუტერული მეცნიერებების მიმართულებებით.
უნივერსიტეტი ცნობილია AMBERD-ის კვლევითი ცენტრით, რომელიც მსოფლიოს ტოპ 100 უნივერსიტეტის ანალიტიკურ ცენტრებს შორისაა. ASUE განსაკუთრებულ ყურადღებას უთმობს ინოვაციებს, გამოყენებით კვლევებსა და დამსაქმებლებთან და სამეცნიერო ინსტიტუტებთან მჭიდრო თანამშრომლობას. მიმდინარე მოდერნიზაციისა და აკადემიური განვითარების ფონზე, უნივერსიტეტი აღიარებულია სომხეთის ერთ-ერთ წამყვან ეკონომიკურ უმაღლეს საგანმანათლებლო დაწესებულებად მნიშვნელოვანი განვითარების პოტენციალით.
აკადემიური თანამშრომლობის მემორანდუმს ხელი მოეწერა 2026 წლის მაისში, რომლის ფარგლებშიც გათვალისწინებულია თანამშრომლობა ადმინისტრაციული და აკადემიური პერსონალის გაცვლის მიმართულებით, ერთობლივი კვლევების ჩატარება, საზაფხულო სკოლების ორგანიზება.
