GIPA განახლებული საერთაშორისო სტანდარტებით ავტორიზებულ უნივერსიტეტთა ხუთეულშია

საქართველოში დანერგილ ახალ საერთაშორისო სტანდარტებთან შესაბამისობის მიხედვით ავტორიზებული 24 უნივერსიტეტიდან GIPA საუკეთესო ხუთეულშია

საქართველოში უმაღლესი განათლების რეფორმის ფარგლებში შემოთავაზებული ავტორიზაციის განახლებული საერთაშორისო სტანდარტებით, რომელიც 2017 წლამდე არსებული სამი სტანდარტის ნაცვლად 7 სტანდარტისა და 19 ქვესტანდარტის დაკმაყოფილებას გულისხმობს, საქართველოში ავტორიზაცია 28 უმაღლესმა საგანმანათლებლო დაწესებულებამ გაიარა. მათგან ავტორიზაცია მიიღო 24–მა უნივერსიტეტმა, მათ შორის საქართველოს საზოგადოებრივ საქმეთა ინსტიტუტმა (GIPA), რომელიც განახლებული საერთაშორისო სტანდარტებით ავტორიზებულ უნივერსიტეტთა ხუთეულშია.

თანამშრომლობა მასარიკის უნივერსიტეტთან

18 სექტემბერი

საქართველოს საზოგადოებრივ საქმეთა ინსტიტუტის სამართლისა და პოლიტიკის სკოლის სტუდენტები: ანა ბაქრაძე და ჯილდა ბერიძე სექტემბრის დასაწყისში გაემგზავრნენ ჩეხეთში - მასარიკის უნივერსიტეტში გაცვლითი პროგრამით. ისინი ერთი სემესტრი ისწავლიან მასარიკის უნივერსიტეტის სამართლის სკოლაში. შეგახსენებთ, რომ საქართველოს საზოგადოებრივ საქმეთა ინსტიტუტის სამართლისა და პოლიტიკის სკოლასა და მასარიკის უნივერსიტეტს შორის 2014 წელს გაფორმდა ურთიერთთანამშრომლობის მემორანდუმი, რომელიც სხვადასხვა სამეცნიერო- საგანმანათლებლო აქტივობებთან ერთად პროფესორ-მასწავლებლებისა და სტუდენტების გაცვლით პროგრამებსაც გულისხმობს. აღნიშნული პროგრამის ფარგლებში 2014 – 2016 წლებში ჯიპას ლექტორებმა ლევან ნანობაშვილმა, ანა კოსტავამ და გიორგი ხატიძემ მასარიკის უნივერსიტეტში წაიკითხეს სხვადასხვა ლექციათა კურსები. მასარიკის უნივერსიტეტი წამყვანი და სიდიდით მეორე უნივერსიტეტია ჩეხეთის რესპუბლიკაში. ის დაარსდა 1919 წელს და ამჟამად უნივერსიტეტში სწავლობს 35000 სტუდენტი.

 Instagram • Facebook