GIPA განახლებული საერთაშორისო სტანდარტებით ავტორიზებულ უნივერსიტეტთა ხუთეულშია

საქართველოში დანერგილ ახალ საერთაშორისო სტანდარტებთან შესაბამისობის მიხედვით ავტორიზებული 24 უნივერსიტეტიდან GIPA საუკეთესო ხუთეულშია

საქართველოში უმაღლესი განათლების რეფორმის ფარგლებში შემოთავაზებული ავტორიზაციის განახლებული საერთაშორისო სტანდარტებით, რომელიც 2017 წლამდე არსებული სამი სტანდარტის ნაცვლად 7 სტანდარტისა და 19 ქვესტანდარტის დაკმაყოფილებას გულისხმობს, საქართველოში ავტორიზაცია 28 უმაღლესმა საგანმანათლებლო დაწესებულებამ გაიარა. მათგან ავტორიზაცია მიიღო 24–მა უნივერსიტეტმა, მათ შორის საქართველოს საზოგადოებრივ საქმეთა ინსტიტუტმა (GIPA), რომელიც განახლებული საერთაშორისო სტანდარტებით ავტორიზებულ უნივერსიტეტთა ხუთეულშია.

თამარ ჩუგოშვილი GIPA-ში

26 მარტი
ა/წ 26 მარტს GIPA-ს მმართველობის სკოლას სტუმრად ეწვია საქართველოს პარლამენტის ვიცე-სპიკერი თამარ ჩუგოშვილი. საჯარო მმართველობის სამაგისტრო პროგრამის სტუდენტებთან შეხვედრაზე სტუმარმა მიმოიხილა პარლამენტის როლი საჯარო მმართველობის განხორციელებაში და ღია და გამჭირვალე მმართველობასთან დაკავშირებული საკითხები. ქ-მა თამარმა ასევე ისაუბრა გენდერული კვოტების დაწესებთან დაკავშირებულ ბოლოდროინდელ საკანონმდებლო ინიციატივას შესახებ. შეხვედრის დასასრულს სტუმარმა ასევე სტუდენტების დასმულ შეკითხვებსაც უპასუხა