მართლმსაჯულების სახლში, 6 ნოემბერს იუსტიციის უმაღლესი სკოლის დირექტორ ლაშა მაღრაძესა და საქართველოს საზოგადოებრივ საქმეთა ინსტიტუტის, GIPA-ს შორის გაფორმდა ურთიერთთანამშრომლობის მემორანდუმი.
მემორანდუმის ფარგლებში სკოლა უზრუნველყოფს საჯარო (უფასო) ლექციების ჩატარებას იურიდიული ფაკულტეტის/სამართლის სკოლის სტუდენტებისთვის. პრიორიტეტი მიენიჭება უნივერსიტეტების მიერ ინიცირებულ თემებს და განსაკუთრებული აქცენტი გაკეთდება პრაქტიკულ სწავლებაზე.
მემორანდუმის ფარგლებში, მხარეები ასევე განახორციელებენ ერთობლივ სასწავლო ღონისძიებებს წინასწარ შეთანხმებულ თემებზე.
