Willem C. Vis სახელობის პროცესი

08 მაისი

საქართველოს საზოგადოებრივ საქმეთა ინსტიტუტის სამართლის სკოლის გუნდმა, სოფო შაბურიშვილის,
ქეთევან არახამიას, ანა ბერიძისა და ქეთევან ხაზალიას შემადგენლობით, მონაწილეობა მიიღო 24-ე 
Willem C. Vis სახელობის, საერთაშორისო კომერციული არბიტრაჟისიმიტირებული სასამართლო პროცესის
საერთაშორისო რაუნდებში, რომელიც გაიმართა 2017 წლის 7-13 აპრილს, ვენაში. გუნდის მწვრთნელები
იყვნენ ჯიპას უნივერსიტეტის ლექტორი ანა კოსტავა და 23-ე -ე Willem C. Vis ის კონკურსის მონაწილე,
ჯიპას გუნდის წევრი და ჯიპას სამართლის მაგისტრი, ირაკლი ჭილაია.

Willem C. Vis სახელობის, საერთაშორისო კომერციული არბიტრაჟის იმიტირებული პროცესის მიზანია 
სხვადასხვა ქვეყნის სტუდენტებისათვის საერთაშორისო კომერციულ სამართალსა და კომერციულ 
არბიტრაჟში ცოდნის გაღრმავება. შეჯიბრი 1994 წლიდანყოველწლიურად ტარდება ავსტრიის დედაქალაქ 
ვენაში და აერთიანებს სტუდენტებს, წამყვან პრაქტიკოს და მეცნიერ იურისტებსმსოფლიოს სხვადასხვა 
ქვეყნიდან. კონკურსი ითვლება მსოფლიოში ერთ-ერთ ყველაზე პრესტიჟულ და ამავე დროს ყველაზე 
ფართომასშტაბის ღონისძიებად საერთაშორისო კომერციულ სამართალში.2017 წელს კონკურსში 
მონაწილეობას იღებდა რეკორდული რაოდენობასამართლის სკოლების, კერძოდ 324 სამართლის სკოლა 
მსოფლიოს ყველა კუთხიდან.

 

საქართველოს საზოგადოებრივ საქმეთა ინსტიტუტი Willem C.Vis ის სახელობის შეჯიბრში წარმატებულ  
მონაწილეობას უკვე მესამეწელიწადია იღებს. წლევანდელი შეჯიბრის ფარგლებში GIPA-ს გუნდი შეხვდა 
Hofstra University,Colegio Universitario de Estudios Financieros (CUNEF)University of Auckland,
და Hopkins-Nanjing Center უნივერსიტეტების გუნდებს. მათ არბიტრებისგანმაღალი ქულები და დადებითი 
შეფასებები დაიმსახურეს.

ჯიპა მადლობას უხდის გუნდის მწვრთნელებს გაწეული დახმარებისთვის. ასევე დიდ მადლობას ვუხდით
გუნდის სპონსორებს: Dechert LLP, ნოდია ურუმაშვილი და პარტნიორები, და JMK Legal Consulting.