საჯარო დისკუსია “ნარკოპოლიტიკის გამოწვევები“-ს შესახებ

05 დეკემბერი, 2016

 

ადამიანის უფლებების კვირეულის აღსანიშნავად, პროგრამის „კანონის უზენაესობის მხარდაჭერა საქართველოში“ (PROLoG) ხელშეწყობით, საქართველოს საზოგადოებრივ საქმეთა ინსტიტუტის (GIPA) ორგანიზებით, 6 დეკემბერს, 19:00 საათზე მედია კლუბში „ფრონტლაინ ჯორჯია“ გაიმართება საჯარო დისკუსია საქართველოში არსებული ნარკოპოლიტიკის შესახებ:  “ნარკოპოლიტიკის გამოწვევები“.

დისკუსიაზე მომხსენებლები იქნებიან: 

ეკატერინე ხუციშვილი - საქართველოს სახალხო დამცველის აპარატის სისხლის მართლმსაჯულების დეპარტამენტის უფროსი.

ეკატერინე ხუციშვილის საუბრის თემა იქნება არსებულ კანონმდებლობა და საქართველოს ხელისუფლების ნარკპოლიტიკა, სახალხო დამცველის აპარატის გამოცდილება და ის პრობლემური საკითხები, რომელიც ასეთი პოლიტიკის განხორციელების შედეგად იჩენს თავს.

გურამ იმნაძე -„ადამიანის უფლებების სწავლებისა და მონიტორინგის ცენტრის (EMC)“ პროექტის კოორდინატორი.

გურამ იმნაძის საუბრის თემა იქნება ნარკოტიკული საშუალების მოხმარების სისხლისსამართლებრივი რეგულირების ზოგადი ლოგიკა, პრაქტიკული მიმართება ნარკოტიკული საშუალებებსა და მათი შეძენა/შენახვისთვის გათვალისწინებულ სანქციებს შორის, კანონმდებლობის ლიბერალიზაცია - რატომ არის ეს საჭირო და რა მოცულობით შეიძლება განხორციელდეს იგი. 

დისკუსიას მოდერაციას გაუწევს - ვახუშტი მენაბდე, PROLoG-ის ადამიანის უფლებათა მიმართულების ხელმძღვანელი GIPA-ში 

PROLoG ხორციელდება ამერიკის საერთაშორისო განვითარების სააგენტო (USAID) ფინანსური მხარდაჭერით.

სამუშაო ენა - ქ ა რ თ უ ლ ი. დასწრება თავისუფალია
მისამართი: თბილისი, ლადო ასათიანის ქ. 62