14-15 ნოემბერს GIPA DocU მეხუთედ გაიმართება

11 ნოემბერი

საქართველოს საზოგადოებრივ საქმეთა ინსტიტუტის ჟურნალისტიკის ფაკულტეტის ქართველი, სომეხი და აზერბაიჯანელი სტუდენტების მიერ მომზადებულ დოკუმენტურ ფილმებსა და ტრასმედიურ პროექტებს პროფესიული ჟიური შეაფასებს.

საუკეთესო ფილმები და მულტიმედია პროექტები 15 ნოემბერს 20:00 საათზე გახდება ცნობილი.

  • დოკუმენტური ფილმების კონკურსის ჟიური წელს ჯიპას კურსდამთავრებულებისგან შედგება: თამარ მშვენიერაძე, ცირა გვასალია, გიორგი ფარქოსაძე, ქეთი გიგაშვილი, სონა სიმონიანი, ლალა ალიევა. - ფულადი პრიზი 1000 ლარი;
  • ტრანსმედია პროექტების კონკურსის ჟიური: კეროლაინ სატკლიფი, ნიკა წიკლაური, ნოდარ (როკო) დავითური - ფულადი პრიზი 600 ლარი;
  • ტრანსმედია პროექტების იდეების კონკურსის ჟიური: კეროლაინ სატკლიფი, ნიკა წიკლაური, როკო დავითური - ფულადი პრიზი 800 ლარი;
  • დოკუმენტური ფილმების პროექტების განვითარების კონკურსის (ფიჩინგი) ჟიური: სალომე ჯაში, მარიამ ჭაჭია, ლევან კოღუაშვილი - ფულადი პრიზი 1200 ლარი.

ფესტივალი ტარდება მულტიმედია განათლების ცენტრში - ალ. ჭავჭავაძის 10ა.