დღეს, 3 დეკემბერს ჩეხეთის რესპუბლიკის საგანგებო და სრულუფლებიანმა ელჩმა, მისმა აღმატებულებამ, პეტრ კუბერნატმა GIPA-ს რექტორსა და სტუდენტებთან გაცნობითი შეხვედრა გამართა. რექტორთან შეხვდრაზე ელჩმა თანამშრომლობის პრიორიტეტებზე, სასტიპენდიო პროგრამებსა და შემდგომი ინიციატივების შესაძლებლობაზე ისაუბრა. თავის მხრივ, GIPA-ს რექტორმა, მაკა იოსელიანმა სტუმარს ინსტიტუტის ისტორია გააცნო და მიმდინარე პროგრამების, გამოწვევებისა და სამომავლო მიზნების შესახებ მიაწოდა ინფორმაცია.
სტუდენტებთან შეხვედრაზე, მისმა აღმატებულებამ, ელჩმა ჩეხეთის მთავრობის საგარეო-პოლიტიკურ ვითარებაზე, განათლებისა და ახალგაზრდული პოლიტიკის შესახებ ისაუბრა და სტუდენტებს ჩეხეთში სასწავლო პროგრამებისა და სტიპენდიების შესახებ მიაწოდა ინფორმაცია. დასასრულს გაიმართა დისკუსია.
