✨ GIPA გილოცავთ სტუდენტობას ✨
პირველკურსელთა რეგისტრაცია იწარმოებს ელექტრონულად, 1 სექტემბრიდან - 12 სექტემბრის ჩათვლით: https://portal.gipa.ge/bachelor
რეგისტრაციისათვის სტუდენტმა უნდა ატვირთოს შემდეგი დოკუმენტები:
- პირადობის დამადასტურებელი მოწმობა ან პასპორტი
- სრული ზოგადი განათლების დამადასტურებელი დოკუმენტი - ატესტატი. უცხოეთში მიღებული სრული ზოგადი განათლების შემთხვევაში - განათლების ხარისხის განვითარების ეროვნული ცენტრის მიერ გაცემული აღიარების დოკუმენტი
- 1 ფოტოსურათი (ზომით ¾)
- სამხედრო აღრიცხვაზე ყოფნის დამადასტურებელი დოკუმენტი (ვაჟებისთვის)
- სწავლის წლიური გადასახადის 25%-ის გადახდის დამადასტურებელი ქვითარი. თუ აბიტურიენტს მოპოვებული აქვს სასწავლო გრანტი, მის მიერ რეგისტრაციამდე გადასახდელი თანხის ოდენობა შეადგენს საგანმანათლებლო პროგრამით გათვალისწინებული საფასურისა და გრანტის სხვაობის მეოთხედს
ხელშეკრულების გაფორმება:
მას შემდეგ, რაც სტუდენტი გაივლის ონლაინ რეგისტრაციას, ხელშეკრულება ხელმოსაწერად გაიგზავნება სტუდენტის მიერ სარეგისტრაციო განაცხადში მითითებულ ელექტრონულ ფოსტაზე (E-mail-ზე), პლატფორმა Signify-ის საშუალებით.
- იმ პირველკურსელმა, რომელიც ხელშეკრულების გაფორმების დღისთვის არ იქნება სრულწლოვანი (18 წლის), სარეგისტრაციო განაცხადის შესაბამის ველში უნდა მიუთითოს კანონიერი წარმომადგენლის (მაგ: მშობელი) ელექტრონული ფოსტა (E-mail), რომელზეც ხელშეკრულება ხელმოსაწერად გაიგზავნება.
- იმ პირველკურსელმა, რომელიც ხელშეკრულების გაფორმების დღისთვის არ იქნება სრულწლოვანი (18 წლის), სარეგისტრაციო განაცხადის შესაბამის ველში უნდა ატვირთოს კანონიერი წარმომადგენლობის დამადასტურებელი ნოტარიულად დამოწმებული/დედანი დოკუმენტაცია.
