GIPA-ს სამართლის საბაკალავრო პროგრამის Vis Moot-ის გუნდმა ნაციონალურ რაუნდში პირველი ადგილი მოიპოვა და 2025 წლის თბილისის Pre-Moot-ში, საბოლოო შედეგებით, მეორე ადგილზე გავიდა.
Vis Moot მსოფლიოს ერთ-ერთ საუკეთესო იმიტირებული საარბიტრაჟო პროცესების ჩემპიონატია, რომელიც ყოველწლიურად მსოფლიოს 4,000-მდე სტუდენტს, ყველა ქვეყნის წამყვანი უნივერსიტეტიდან, აერთიანებს. Vis Moot-ი სტუდენტებს კარიერული წინსვლის შესანიშნავ შანსსა და ახალ შესაძლებლობებს აძლევს.
აღნიშნული საარბიტრაჟო პროცესების ფარგლებში, ჩვენი სტუდენტები ისეთ პრესტიჟულ უნივერსიტეტებთან ასპარეზობენ, როგორებიც არიან: Palacký University, Università degli Studi di Milano, Masaryk University, Charles University და სხვა.
შეჯიბრის ფინალური ეტაპი ვენაში გაიმართება.
GIPA-ს გუნდის წევრები: ნატალია ჩხაიძე, თეკლა გიგუაშვილი, ლიზა რამაზაშვილი
GIPA-ს გუნდის მენტორი : თამარ შიოშვილი, თინათინ ქორქია
წარმატებას ვუსურვებთ GIPA-ს Vis Moot-ის გუნდს!
ამ ნიშნის ქვეშ გავიმარჯვებთ!
