ჯიპა - საქართველოს საზოგადოებრივ საქმეთა ინსტიტუტი GLITSS - გლობალიზაციის, არალეგალური ვაჭრობის, მდგრადობისა და უსაფრთხოების ქსელთან თანამშრომლობის საფუძველზე გიწვევთ მონაწილეობა მიიღოთ საერთაშორისო კონფერენციაში.
თემა: არალეგალური ვაჭრობის პოლიტიკური განზომილებები / The Political Dimensions of Illicit Trade
თარიღი: 14-15 მარტი, 2025
მისამართი: GIPA, ფრონტლაინ ჯორჯია, ლადო ასათიანის 62, თბილისი
აბსტრაქტის გაგზავნის ბოლო ვადა: 20 თებერვალი, 2025
სამუშაო ენა: ინგლისური
კონფერენციის მიზანი: არალეგალური ვაჭრობისა და გეოპოლიტიკური დინამიკის რთული და კომპლექსური ურთიერთობის შესწავლა. გლობალური გამოწვევები, პოლიტიკური ზეწოლა და არალეგალური ბაზრები – როგორ მოქმედებს სანქციები, ჰიბრიდული ომი და ახალი ეკონომიკური პოლიტიკა სავაჭრო მარშრუტებზე
მონაწილეობისთვის ვიწვევთ: მეცნიერებს, მკვლევრებსა და პრაქტიკოსებს, რომელთა საქმიანობა არალეგალური ვაჭრობის, გეოპოლიტიკისა და უსაფრთხოების საკითხებს უკავშირდება.
საკონფერენციო თემატიკის შერჩევისას, მონაწილეებმა სასურველია კონცენტრაცია მოახდინონ, მაგრამ არ შეიზღუდონ, შემდეგი თემებით:
1. სანქციები და არალეგალური ვაჭრობა
- რუსეთისა და სხვა ქვეყნების წინააღმდეგ დაწესებული სანქციების გავლენა არალეგალური ბაზრების ზრდაზე
- სავაჭრო მარშრუტების ადაპტაცია სანქციების თავიდან ასაცილებლად და მათი ფართო გეოპოლიტიკური შედეგები
2. ალტერნატიული ეკონომიკური არხები
- არალეგალური ვაჭრობის როლი პოლიტიკურ ან ეკონომიკურ იზოლაციაში მყოფი ქვეყნების ეკონომიკის შენარჩუნებაში
- არალეგალური ბაზრების გამოყენების პრაქტიკული მაგალითების შესწავლა გეოპოლიტიკური კრიზისების დროს
3. სააღსრულებო გამოწვევები
- პოლიტიკური ზეწოლის გავლენა სავაჭრო სამართლის აღსრულების ეფექტიანობაზე
- საერთაშორისო სამართალდამცავ ორგანოებს შორის თანამშრომლობა და კონფლიქტები
4. ოფშორული კანონმდებლობის შედეგები
- საქართველოს "ოფშორების შესახებ კანონის" კრიტიკული ანალიზი და მისი გავლენა არალეგალურ ფინანსურ საქმიანობაზე
- კავშირები ოფშორულ „საგადასახადო სამოთხესა“და გლობალურ სავაჭრო დინამიკას, მათ შორის არალეგალური სავაჭრო ნაკადებს, შორის
5. მედია და უკანონო ვაჭრობა
- მედიის ამჟამინდელი მდგომარეობის ანალიზი არალეგალური ვაჭრობის გაშუქების კონტექსტში
- არალეგალური ვაჭრობის საზოგადოებრივი აღქმა
6. ფართო გეოპოლიტიკური კონტექსტი
- არალეგალური ვაჭრობა საომარ მდგომარეობაში მყოფი ქვეყნების ეკონომიკისა და პოსტ-კონფლიქტური რეკონსტრუქციის პირობებში
- რეგიონალური სავაჭრო ქსელები და მათი მოწყვლადობა პოლიტიკური არასტაბილურობის პირობებში
გთხოვთ, გამოგზავნოთ აბსტრაქტი, ინგლისურ ენაზე (CV-თან ერთად), შემდეგ ელექტრონულ მისამართებზე: n.mindiashvili@gipa.ge | research@gipa.ge
