მათ, ვისაც უყვარს ხელოვნება, ლიტერატურა, კითხვა, ვისაც სურვილი აქვსვმოისმინოს და გაიგოს უფრო მეტი საინტერესო თემებზე, ეძლევათ შესანიშნავი შესაძლებლობა იმისა, რომ საქართველოს საზოგადოებრივ საქმეთა ინსტიტუტში (GIPA) ყოველ კვირას დაესწრონ საჯარო ლექციებს საინტერესო თემებზე, რომლებსაც მათთვის ნაცნობი ადამიანები წაიკითხავენ. ესენი არიან ამავე უნივერსიტეტის ლექტორი: ბ-ნი ლევან ბერძენიშვილი, კავკასიის უნივერსიტეტის, თავისუფალი უნივერსიტეტისა და ილიას სახელმწიფო უნივერსიტეტის ლექტორი ლევან გიგინეიშვილი, აგრეთვე,მწერლები: დათო ტურაშვილი, ბასა ჯანიკაშვილი, რატი ამაღლობელი, ლაშა ბუღაძე, ფსიქოლოგი ნათია ფანჯიკიძე, მხატვარი გია ბუღაძე და სხვა.
ლექციის მიზანია სტუდენტებს გააცნოს ხელოვნებისა და ლიტერატურის არსი და დანიშნულება ადამიანთა ცხოვრებაში. ყველაზე მთავარი მათში ინტერესის გაჩენაა, შედეგად კი - ინტერესის დაკმაყოფილება, გარკვეული ცოდნის მიღება.
აქ ყველა პირობა იქნება იმისთვის,რომ თავი იგრძნოთ სასიამოვნოდ და თავისუფლად, თქვენ გეძლევათ შესაძლებლობა ყოველი კვირა გაატაროთ სასიამოვნო გარემოში საინტერესო ადამიანებთან ერთად.
თავდაპირველად აუცილებელია მობრძანდეთ GipArt-ზე, შემდეგ კი თქვენ აუცილებლად გახდებით ამ განსაკუთრებული, საინტერესო და მრავალფეროვანი პროექტის ხშირი სტუმარი.
ჩვენ, ჩვენი სოციალური ქსელის მეშვეობით წინასწარ გაგაცნობთ ყოველი მომდევნო ლექციის თემას და შეგატყობინებთ იმას, თუ ვინ იქნებიან, ის ადამიანები, რომლებიც მომავალ ლექციას წაიკითხავენ.
ლექციის თემები შერჩეული იქნება ლექტორების მიერ.
ლექცია გაიმართება საქართველოს საზოგადოებრივ საქმეთა ინსტიტუტში (GIPA) ყოველ კვირას, 15:00 საათიდან საღამოს 19:00 საათამდე. დასწრება თავისუფალია.
მისამართი: თბილისი, გორგასლის 101.
