ა(ა)იპ ჯიპა - საქართველოს საზოგადოებრივ საქმეთა ინსტიტუტის სტუდენტთა საყურადღებოდ!
გამოცხადდა კონკურსი უნივერსიტეტის სკოლების აკადემიური საბჭოების შემადგენლობაში სტუდენტი წევრების შესარჩევად. კონკურსი ცხადდება უნივერსიტეტის შემდეგი სკოლების ფარგლებში:
- სოციალურ მეცნიერებათა სკოლა;
- სამართლისა და პოლიტიკის სკოლა;
- ჟურნალისტიკისა და მედია მენეჯმენტის კავკასიური სკოლა.
კონკურსში მონაწილეობით დაინტერესებული სტუდენტები უნდა აკმაყოფილებდნენ შემდეგ კრიტერიუმებს:
- უნივერსიტეტში სტუდენტის ჩარიცხვიდან გასული უნდა იყოს არანაკლებ 1 წელი და ის უნდა სარგებლობდეს სტუდენტის აქტიური სტატუსით;
- კონკურსში მონაწილეობის ეტაპისთვის სტუდენტს არ უნდა ჰქონდეს დაკისრებული დისციპლინური სახდელი;
- სტუდენტის აკადემიური მოსწრება (GPA) არ უნდა იყოს 3.5-ზე ნაკლები;
- სტუდენტს უნდა ჰქონდეს წერითი და ზეპირი ფორმით ეფექტური კომუნიკაციის უნარი;
- სტუდენტის მიერ წარმოდგენილი სამოტივაციო წერილით გათვალისწინებული საგანმანათლებლო ხედვა უნდა იყოს რეალისტური, მიღწევადი და სკოლის/უნივერსიტეტის განვითარებაზე ორიენტირებული.
კონკურსში მონაწილეობით დაინტერესებულმა სტუდენტებმა მიმდინარე წლის 29 დეკემბრის ჩათვლით შესაბამისი საგანმანათლებლო პროგრამის კოორდინატორს უნდა წარუდგინონ შემდეგი დოკუმენტაცია:
- პირადობის დამადასტურებელი მოწმობის ასლი;
- განცხადება, რომლითაც კონკურსში მონაწილეობით დაინტერესებული პირი გამოთქვამს მზადყოფნას დაიკავოს აკადემიური საბჭოს შემადგენლობაში სტუდენტი წევრის ვაკანტური პოზიცია;
3. სამოტივაციო წერილი, რომელიც უნდა მოიცავდეს კონკურსში მონაწილეობით დაინტერესებული პირის საგანმანათლებლო ხედვას.
გისურვებთ წარმატებებს!
