GIPA-ს კავკასიური ჟურნალისტიკისა და მედია მენეჯემენტის სკოლის სტუდენტებმა წელს უკვე მეორედ მიიღეს მონაწილეობა საერთაშორისო პროექტში "უხილავი ქალაქები", რომელიც ამჯერად საბერძნეთში, ქალაქ თესალონიკში გაიმართა. პროექტის მეორე გამოშვებას მასპინძლობა - თესალონიკის არისტოტელეს სახელობის უნივერსიტეტმა გაუწია.
„უხილავი ქალაქები“ არის პროექტი, რომლის ფარგლებშიც ევროპის სხვადასხვა უნივერსიტეტის ჟურნალისტიკის ფაკულტეტის სტუდენტები - დიდი ქალაქების "უხილავი" მოქალაქეების ისტორიებს ყვებიან და ერთი კვირის განმავლობაში, მასპინძელ ქალაქში, ამ ადამიანებთან ვიდეო ინტერვიუებს წერენ და ამონტაჟებენ - პროექტში მონაწილე უნივერსიტეტების ლექტორების ხელმძღვანელობით.
საქართველოს გარდა, პროექტში სხვა 5 ქვეყნის უნივერსიტეტი მონაწილეობს: საბერძნეთი, ბელგია, ნიდერლანდები, რუმინეთი და ხორვატია.
