ყოველწლიურად, GIPA-ს ხელოვნების საბაკალავრო პროგრამის სტუდენტები სტუმრებს წარუდგენენ ხოლმე გამოფენას, სახელწოდებით "გახსენი" (UNLOCK). გამოფენაზე წარმოდგენილი არის ხოლმე სტუდენტების და ლექტორების მიმდინარე სასწავლო წლის მსვლელობისას შექმნილი 100-ზე მეტი საუკეთესო ნამუშევარი და პროექტი.
სტუდენტების ნამუშევრები:
- არტ პროექტები (ინსტალაცია, ვიდეო-არტ)
- ფოტო პროექტები (ფოტო ამბავი, შემოქმედებითი ფოტო, სარეკლამო ფოტო)
- ვიდეო პროექტები
- გრაფიკული პროექტები (პოსტერები, ილუსტრაციები)
- საუნდ პროექტები ( საუნდ დიზაინი, საუნდ მიქსინგი)
„გახსენი“ (UNLOCK) - ამ კონცეფციას GIPA თავის სასწავლო პროცესში იყენებს. მისი მიზანია გავხსნათ და გავაფართოვოთ აზროვნება, გავიდეთ ტრადიციული აზროვნების გარეთ, გავხსნათ ყველაფერი, რაც ჩარჩოებშია ჩაკეტილი“ - მისასალმებელი სიტყვით მიმართა დამსწრე საზოგადოებას ჟურნალისტიკისა და მედია მენეჯმენტის კავკასიური სკოლის დეკანმა, ქალბატონმა ნინო ივანიშვილმა.
