GIPA განახლებული საერთაშორისო სტანდარტებით ავტორიზებულ უნივერსიტეტთა ხუთეულშია

საქართველოში დანერგილ ახალ საერთაშორისო სტანდარტებთან შესაბამისობის მიხედვით ავტორიზებული 24 უნივერსიტეტიდან GIPA საუკეთესო ხუთეულშია

საქართველოში უმაღლესი განათლების რეფორმის ფარგლებში შემოთავაზებული ავტორიზაციის განახლებული საერთაშორისო სტანდარტებით, რომელიც 2017 წლამდე არსებული სამი სტანდარტის ნაცვლად 7 სტანდარტისა და 19 ქვესტანდარტის დაკმაყოფილებას გულისხმობს, საქართველოში ავტორიზაცია 28 უმაღლესმა საგანმანათლებლო დაწესებულებამ გაიარა. მათგან ავტორიზაცია მიიღო 24–მა უნივერსიტეტმა, მათ შორის საქართველოს საზოგადოებრივ საქმეთა ინსტიტუტმა (GIPA), რომელიც განახლებული საერთაშორისო სტანდარტებით ავტორიზებულ უნივერსიტეტთა ხუთეულშია.

მწვანე კუთხე ''CENN''-ისა და ''GIZ''-ის მხარდაჭერით

06 თებერვალი

GIPA-ს გარემოს დაცვის მენეჯმენტისა და პოლიტიკის სამაგისტრო პროგრამის სტუდენტების ინიციატივით სოციალური მეცნიერებების ბიბლიოთეკაში (მის: გორგასლის #101) შეიქმნა „მწვანე კუთხე“, რომლის მთავარი მიზანია ნებისმიერ მსურველს შესთავაზოს თანამედორე ინფორმაცია და კვლევები საქართველოს და მსოფლიოს გარემოსდაცვითი მიმართულების შესახებ.

ინიციატივის მხარდამჭერები არიან გარემოსდაცვითი ორგანიზაცია CENN და GIZ, რომლებმაც საკმაოდ ღირებული მასალები გადმოსცეს ჩვენს ბიბლიოთეკას რისთვისაც განსაკუთრებულ მადლობას ვუხდით მათ.

#EMP #GIPA #CENN #GIZ