მოწვეული ლექტორები

ანანო ასპანიძე

ანანო ასპანიძე ფულ-სტეკ ვებ დეველოპერია. ის 2016 წლიდან მუშაობს ჯეოლაბში ვებ დეველოპერად და სტაჟიორების ხელმძღვანელად. ასევე, 2017 წლიდან მუშაობს საქართველოს საზოგადოებრივ საქმეთა ინსტიტუტში (GIPA) და ჯეოლაბში ლექტორად.

აქვს სხვადასხვა კომპანიაში გაყიდვების, მარკეტინგის, HR და ღონისძიებების მენეჯერად მუშაობის გამოცდილება. იგი მუშაობდა თარჯიმნად რუსულ, ინგლისურ და გერმანულ ენებზე.

ანანო არის ივანე ჯავახიშვილის სახელობის თბილისის სახელმწიფო უნივერსიტეტის ბიზნესისა და მართვის ფაკულტეტის ბაკალავრი საერთაშორისო ბიზნესის მიმართულებით.

2015-2017 წლებში სწავლობდა საქართველოს საზოგადოებრივ საქმეთა ინსტიტუტში (GIPA) ახალი მედია ტექნოლოგიების ინჟინერიის სამაგისტრო პროგრამაზე. 

პროგრამირება ყველაზე საინტერესო საქმიანობად მიაჩნია და ფიქრობს, რომ ეს პროფესია ხელოვნებაა.