გამოყენებითი საზოგადოებრივი ჯანმრთელობის ერთობლივი პროგრამა

საგანმანათლებლო პროგრამების აკრედიტაციის საბჭოს 2024 წლის 10 იანვრის MES 4 24 0000012956 გადაწყვეტილებით,

პროგრამას მიენიჭა აკრედიტაცია

გამოყენებითი საზოგადოებრივი ჯანმრთელობის სამაგისტრო პროგრამა, საქართველოს საზოგადოებრივ საქმეთა ინსტიტუტისა (GIPA) და პეტრე შოთაძის სახელობის თბილისის სამედიცინო აკადემიის (თსა) ერთობლივი პროექტია, რომლის ფარგლებშიც GIPA- საჯარო პოლიტიკაში და თსა - მედიცინაში, მსმენელს სწავლების სათანადო და უკონკურენტო სტანდარტს სთავაზობს. 

ორი უნივერსიტეტის თანამშრომლობა აკედმიურ სივრცეში, ერთობლივი ძალისხმევის პირველი წარმატებული მაგალითია. პროგრამის განმახორციელებელი აკადემიური და მოწვეული პერსონალი სტატისტიკის, ეპიდემიოლოგიის, ჯანმრთელობის ხელშეწყობის, მენეჯმენტის, ბიზნესის ადმინისტრირების, სამეცნიერო კვლევებისა და საზოგადოებრივი ჯანმრთელობის სხვადასხვა მიმართულების ექსპერტიზით გამოირჩევა.

პროგრამის ფარგლებში გათვალისწინებულია სავალდებულო პრაქტიკა პარტნიორ ორგანიზაციებში, რაც სტუდენტს სამომავლო ხედვასა და გამოცდილებას ანიჭებს და დასაქმების პროცესს უწყებს ხელს.

საგანმანათლებლო პროგრამა ხორციელდება ინგლისურ ენაზე და მორგებულია იმ საერთაშორისო მოთხოვნებზე, რომელიც ჯანდაცვის პოლიტიკის გლობალურ გამოწვევებს პასუხობს. 

პროგრამის დასრულების შემდეგ, გაიცემა GIPA-სა და თსა-ს საზოგადოებრივი ჯანდაცვის ერთობლივი დიპლომი.

გამოყენებითი საზოგადოებრივი ჯანმრთელობის  სამაგისტრო საგანმანათლებლო პროგრამის მიზანია სტუდენტს შესძინოს:

• გამოყენებითი საზოგადოებრივი ჯანმრთელობის სფეროში კვლევის დამოუკიდებლად დაგეგმვის, მონაცემთა შეგროვების, ანალიზის და ინტერპრეტაციისა და რელევანტური დასკვნების შემუშავების უნარები, სფეროს უახლესი მეთოდებისა და მიღწევების გამოყენებით
• საკვლევი განაცხადის მომზადებისა და პროექტის შემუშავების, დაგეგმვისა და მართვის უნარები რეგიონულ, ეროვნულ და საერთაშორისო დონეზე, ინტერდისციპლინარული სწავლების მეთოდების გამოყენებითა და სამეცნიერო-კვლევით საქმიანობაში ჩართვის საშუალებით
• მტკიცებულებებზე დამყარებული მიგნებების საფუძველზე საზოგადოებრივი ჯანმრთელობის სფეროში არსებულ გამოწვევებთან გამკლავების შესაბამისი ჯანდაცვის პოლიტიკის შემუშავებისა და განხორციელების უნარი
• საზოგადოებრივი ჯანმრთელობის/ჯანმრთელობის ხელშეწყობის პოლიტიკისა და პროგრამების შეფასების, შედეგების კომუნიკაციისა და ადვოკატირების უნარები.
• გუნდური მუშაობის პროცესში მოვალეობების დელეგირებასა და ურთიერთთანამშრომლობის, ლიდერობის, ხელმძღვანელობისა და მართვის პრინციპებს დამოუკიდებელი გადაწყვეტილებების მიღების უნარი
• ლოგიკური და კრიტიკული აზროვნების უნარი

დასაქმების სფერო:

კურსდამთავრებული, როგორც საზოგადოებრივი ჯანმრთელობის სპეციალისტი, შეძლებს სამთავრობო, არასამთავრობო, საერთაშორისო და კერძო ორგანიზაციებში, აკადემიურ დაწესებულებებსა და სამედიცინო მომსახურების განმახორციელებელ დაწესებულებებში მუშაობას.

კარიერული მიმართულებები მოიცავს ეპიდემიოლოგიურ კვლევებს, საზოგადოებრივი ჯანმრთელობის, ჯანმრთელობის ხელშეწყობის მცირე და დიდი მასშტაბის პროგრამებისა და პროექტების შემუშავებას, მართვას, ზედამხედველობას, მონიტორინგსა და შეფასებას, შედეგების კომუნიკაციას და სხვა.

პროგრამის ძლიერი მხარეები:

• პროგრამის ფარგლებში პრაქტიკაზე ორიენტირებული სწავლება; პარტნიორი ორგანიზაციების მრავალფეროვნება, სადაც სტუდენტები გაივლიან პრაქტიკულ სწავლებას და მიიღებენ გამოცდილებას რეალური დროში;
• პროგრამაში შემავალი დისციპლინების მრავალფეროვნება; პედაგოგები, რომლებიც დარგის აღიარებული ექსპერტები არიან; კურსდამთავრებულთა კონკურენტუნარიანობის უზრუნველსაყოფად;
• პროგრამის მიზნების, შედეგების, სტრუქტურისა და შინაარსის თანხვედრა შრომის ბაზრის მოთხოვნებთან და საერთაშორისო პრაქტიკასთან;
• ინგლისურ ენაზე სწავლება, რაც კურსდამთავრებულს მიცემს შესაძლებლობას დასაქმდეს საერთაშორისო ორგანიზაციებში და იმუშაოს მულტინაციონალურ გარემოში;
• პროგრამის არჩევითი კომპონენტის მრავალფეროვნება საშუალებას იძლევა პროფესიული ფოკუსირება გაკეთდეს საზოგადოებრივ ჯანმრთელობის სხვადასხვა პრობლემაზე - დაწყებული გადამდები და არაგადამდები დაავადებების პრევენციითა და მართვით, დედათა და ბავშვთა ჯანმრთელობით და პლანეტარული ჯანმრთელობით, გლობალური ჯანმრთელობით დამთავრებული;
• პროგრამის ფარგლებში საზოგადოებრივი ჯანმრთელობის ლაბორატორიული მიმართულებისა და გეოგრაფიული საინფორმაციო სისტემების, პლანეტარული ჯანმრთელობის, საზოგადოებრივი ჯანმრთელობის მარკეტინგისა და სხვა მიმართულებების ჩართვა, რაც მნიშვნელოვნად შეუწყობს ხელს საზოგადოებრივი ჯანმრთელობის მიმართულებით არსებულ და სამომავლო გამოწვევებზე ეფექტურ, მტკიცებულებებზე დაფუძნებულ რეაგირებას.

პროგრამის აღწერილობა: კურიკულუმი