საქართველოს საზოგადოებრივ საქმეთა ინსტიტუტის საერთაშორისო ურთიერთობების დეპარტამენტი აცხადებს კონკურსს ბრატისლავას ეკონომიკის უნივერსიტეტთან (https://euba.sk/en/ ) გაცვლითი პროგრამის ფარგლებში 2 სტუდენტის შესარჩევად.
კონკურსში მონაწილეობის მიღება შეუძლიათ ბაკალავრიატის და მაგისტრატურის სტუდენტებს.
შენიშვნა: გთხოვთ, გაითვალისწინოთ, რომ გაცვლაში მონაწილეობის მიღების მსურველ ბაკალავრიატის სტუდენტს დასრულებეული უნდა ჰქონდეს სწავლის ერთი წელი, ხოლო მაგისტრატურის სტუდენტს ერთი სემესტრი;
კრედიტების აღიარება: ბრატისლავას ეკონომიკის უნივერსიტეტში აღებული კრედიტების აღიარება მოხდება საქართველოს საზოგადოებრივ საქმეთა ინსტიტუტის შესაბამისი სასწავლო პროგრამის ფარგლებში.
სლოვაკეთში სწავლის ხანგრძლივობა:
ერთი სემესტრი (2019 წლის გაზაფხულის სემესტრი: 11 თებერვალი - 10 მაისი, 2019); გამოცდების პერიოდი: - 13. 5. – 4. 7. 2019;
სასწავლო განრიგის, ბრატისლავაში ცხოვრების და ბინის დაქირავების საფასურთან დაკავშირებით დეტალური ინფორმაციის ნახვა შესაძლებელია მიმაგრებულ PDF ფაილებში:
სწავლის საფასური:
ბრატისლავას ეკონომიკის უნივერსიტეტთან გაფორმებული პარტნიორობის ფარგლებში, GIPA-ს სტუდენტებს არ მოუწევთ ბრატისლავაში სწავლის საფასურის გადახდა. თუმცაღა, შერჩეულმა სტუდენტებმა უნდა დაფარონ GIPA-ში მიმდინარე სემესტრის სწავლის საფასური.
შენიშვნა: შერჩეულმა სტუდენტებმა თავად უნდა დაფარონ საერთაშორისო მგზავრობის, ბინის, სავიზო მოსაკრებლისა, დღიური და დაზღვევის ხარჯები!
საკონკურსო დოკუმენტაციის ჩამონათვალი:
- სამოტივაციო წერილი (ინგლისურ ენაზე, არაუმეტეს ერთი გვერდისა);
- ერთი სარეკომენდაციო წერილი გაცემული Gipa-ს აკადემიური პერსონალის/ კოორდინატორის მიერ (ინგლისურ ენაზე, ხელმოწერით დამოწმებული);
- ნიშნების ფურცელი (ინგლისურ ენაზე);
დაინტერესებულმა სტუდენტებმა ა/წ 8 ოქტომბრის 14:00 საათამდე უნდა გამოაგზავნონ საკონკურსო დოკუმენტაციის სრული ჩამონათვალი შემდეგ ელ-ფოსტაზე: n.bakradze@gipa.ge
სტუდენტთა შესარჩევი პროცესი:
- დოკუმენტაციის შემოწმება;
- გასაუბრება აპლიკანტთან ინგლისურ ენაზე
შერჩევის კრიტერიუმები:
2 საუკეთესო აპლიკანტი გამოვლინდება შემდეგი კრიტერიუმების მიხედვით:
- GPA;
- ინგლისურ ენის ცოდნის მაღალი დონე;
- დახასიათება/რეკომენდაცია;
- აპლიკანტის მოტივაცია;
დამატებითი კითხვების არსებობის შემთხვევაში დაგვიკავშირდით ელ-ფოსტის საშუალებით: n.bakradze@gipa.ge ან მითითებულ ნომერზე: 577 57 75 11
არასრული ან/და დაგვიანებული განცხადებები არ მიიღება.
