მცირე კვლევების პროგრამა

საქართველოს საზოგადოებრივ საქმეთა ინსტიტუტის კვლევითი დეპარტამენტი აცხადებს

მცირე კვლევების პროგრამას

პროგრამის გამოცხადების თარიღი: 10 ნოემბერი 2017 

საპროექტო განაცხადების წარდგენის ბოლო ვადა: 10 დეკემბერი, 2017

პროექტების სავარაუდო ხანგრძლივობა: მაქსიმუმ 3 თვე

პროექტის განხორციელების ვადა: 15 იანვარი 2018 – 15 ივლისი 2018

სკოლები სამეცნიერო-კვლევით პროექტებს წარადგენენ კვლევითი ცენტრის სამეცნიერო საბჭოს წინაშე, რომელიც კონკურსის საფუძველზე, ქვემოთ ჩამოთვლილი კრიტერიუმების მიხედვით, შეარჩევს პროექტებს დაფინანსებისა და განხორციელებისათვის. საპროექტო განაცხადი უნდა გამოიგზავნოს არაუგვიანეს 10/12/2017 ელექტრონული სახით შემდეგ მისამართებზე: n.dolidze@gipa.ge და research@gipa.ge

წარდგენილ პროექტებს საბჭო განიხილავს და გამოიტანილი გადაწყვეტილება განმცხადებლებს ეცნობებათ არაუგვიანეს 10 იანვრისა.

თითოეული წარმოდგენილი პროექტის შემთხვევაში ინსტიტუტის კვლევითი ცენტრიდან მოთხოვნილი თანხა უნდა შეადგენდეს 3 000- 5 000 ლარს. გამონაკლის შემთხვევებში დასაშვებია ბიუჯეტის გაზრდა, პროექტის მასშტაბურობისა და მნიშვნელობის გათვალისწინებით. საბჭო განიხილავს თანადაფინანსების მიზნით წარდგენილ პროექტებსაც.

დეტალური ინფორმაციისთვის იხილეთ თანდართული დოკუმენტი.