2019 წლის 22 ნოემბერს, საქართველოს საზოგადოებრივ საქმეთა ინსტიტუტს (GIPA), ეწვია ნოვი სადის ბიზნესის უნივერსიტეტის (სერბეთის რესპუბლიკა) დელეგაცია. დელეგაციის შემადგნელობაში შედიოდნენ ნოვი სადის ბიზნესის უნივერსიტეტის რექტორი- პროფ. მარკო გარიჩი, იურიდიული ფაკულტეტის დეკანის მოადგილე - პროფ. პრედრაგ მირკოვიჩი, საერთაშორისო ურთიერთობების დეპარტამენტის უფროსი - ქ-ნი მარიანა მლადენოვა, და საინფორმაციო ტექნოლოგიების სპეციალისტი - ქ-ნი მირიანა დიმიტრიევიჩი.
ვიზიტის ფარგლებში განხილულ იქნა უნივერსიტეტებს შორის სამომავლო თანამშრომლობის საკითხები და ხელი მოეწერა ურთიერთთანამშრომლობის მემორანდუმს, რომელიც ითვალისწინებს სტუდენტებისა და ლექტორების გაცვლას, ერთობლივ კვლევით საქმიანობას, ერასმუს+-ის პროგრამაში მონაწილეობასა და ურთიერთ გამოცდილების გაზიარებას საგანმანათლებლო პროგრამების მენეჯმენტში.
