2019-2020 სასწავლო წლის შემოდგომის სემესტრის შიდა მობილობის ვადების განსაზღვრის შესახებ
საქართველოს განათლებისა და მეცნიერების მინისტრის 2010 წლის 4 თებერვლის N10/ნ ბრძანებით დამტკიცებული „უმაღლესი საგანმანათლებლო დაწესებულებიდან სხვა უმაღლეს საგანმანათლებლო დაწესებულებაში გადასვლის წესისა და საფასურის დამტკიცების შესახებ", ა(ა)იპ საქართველოს საზოგადოებრივ საქმეთა ინსტიტუტის წესდების, უნივერსიტეტის დებულებისა და სასწავლო პროცესისმარეგულირებელი წესების მე-8 მუხლის საფუძველზე:
ვ ბ რ ძ ა ნ ე ბ:
- საქართველოს საზოგადოებრივ ინსტიტუტში საგანმანათლებლო პროგრამაზე 2019-2020 სასწავლო წლის შემოდგომის სემესტრის შიდა მობილობის მსურველ სტუდენტთა მიერ შიდა მობილობის შესახებ განცხადების წარმოდგენის ვადა განისაზღვროს 2019 წლის 9 სექტემბრიდან 11 სექტემბრის ჩათვლით.
- შიდა მობილობის მსურველი სტუდენტების მიერ წარმოსადგენ დოკუმენტების ნუსხად განისაზღვროს:
ა) განცხადება შესაბამისი სკოლის დეკანის სახელზე;
ბ) ცნობა სტუდენტის სტატუსის შესახებ (დამოწმებული ბეჭდითა და დეკანის ხელმოწერით);
გ) პირადობის დამადასტურებელი მოწმობის ასლი;
ე) გამოცდების ეროვნული ცენტრის მიერ გაცემული სერტიფიკატის ასლი (საერთო სამაგისტრო გამოცდის ტესტის ტიპის მითითებით, ასეთის არსებობის შემთხვევაში);
- შიდა მობილობის შესახებ სტუდენტთა განცხადების განხილვისა და კრედიტების აღიარების ვადა განისაზღვროს 2019 წლის 12 სექტემბრიდან 13 სექტემბრის ჩათვლით.
- სტუდენტებისათვის აღიარებული კრედიტების გაცნობა და ხელშეკრულების გაფორმება - 16 სექტემბერი;
- ბრძანება გამოქვეყნდეს ვებ-გვერდზე www.gipa.ge
- საქმისწარმოების მენეჯერმა უზრუნველყოს ბრძანების გაცნობა ყველა დაინტერესებულიპირისთვის და შიდა მობილობის შედეგების გამოქვეყნებიდან ორი კვირის ვადაში მიაწოდოს სსიპ განათლების მართვის საინფორმაციო სისტემას.
- ბრძანება ძალაშია გამოქვეყნების დღიდან.
