GIPA-მ დაამყარა პარტნიორობა მსოფლიოს ერთ-ერთ წამყვან ბიზნეს
სკოლასთან (EDHEC Business School), რომლის ფარგლებშიც GIPA-ს სტუდენტებს
მიეცემათ შესაძლებლობა მომავალ სემესტრში (გაზაფხული 2019-2020) სწავლის
საფასურის გადასახადის გარეშე ისწავლონ საფრანგეთში (ნიცის ან ლილის
კამპუსში).
იხილეთ მოკლე ვიდეო კლიპი ბიზნეს სკოლის შესახებ.
საქართველოს საზოგადოებრივ საქმეთა ინსტიტუტის (GIPA) საერთაშორისო ურთიერთობების დეპარტამენტი აცხადებს კონკურსს EDHEC-ის ბიზნეს სკოლასთან გაცვლითი პროგრამის ფარგლებში 2 საუკეთესო სტუდენტის შესარჩევად.
კონკურსში მონაწილეობის მიღება შეუძლიათ ბიზნეს ადმინისტრირებისა და სოციალური მეცნიერებების საბაკალავრო პროგრამების მეორე და მესამე კურსის სტუდენტებს.
შენიშვნა: გთხოვთ, გაითვალისწინოთ, რომ მასპინძელ უნივერსიტეტში სასურველი საგნების შესარჩევად სტუდენტებმა წინასწარი კონსულტაცია უნდა გაიარონ GIPA-ს შესაბამისი პროგრამის ხელმძღვანელთან ან/და ხარისხის უზრუნველყოფის სამსახურთან.
საფრანგეთში სწავლის ხანგრძლივობა:
ერთი სემესტრი (2020 წლის გაზაფხულის სემესტრი: 2020 წლის იანვარი - 2020 წლის მაისი).
სასწავლო განრიგის, ინგლისურენოვანი საგნების ჩამონათვალის, საფრანგეთში ცხოვრებასთან დაკავშირებით დეტალური ინფორმაციის ნახვა შესაძლებელია შემდეგ ბმულებზე
სწავლის საფასური:
EDHEC-ის ბიზნეს სკოლასთან გაფორმებული პარტნიორობის ფარგლებში, GIPA-ს სტუდენტს არ მოუწევთ საფრანგეთში სწავლის საფასურის გადახდა. თუმცაღა, შერჩეულმა სტუდენტმა უნდა დაფაროს GIPA-ში მიმდინარე სემესტრის სწავლის საფასური.
შენიშვნა: შერჩეულმა სტუდენტმა თავად უნდა დაფაროს საერთაშორისო მგზავრობის, ცხოვრების, სავიზო მოსაკრებლისა და დაზღვევის ხარჯები!
საკონკურსო დოკუმენტაციის ჩამონათვალი:
- სამოტივაციო წერილი (ინგლისურ ენაზე, არაუმეტეს ერთი გვერდისა);
- ერთი სარეკომენდაციო წერილი (ინგლისურ ენაზე);
- ნიშნების ამონაწერი (ინგლისურ ენაზე, GPA-ის მითითებით);
დაინტერესებულმა სტუდენტებმა ა/წ 19 სექტემბრის 16 საათამდე უნდა გამოაგზავნონ საკონკურსო დოკუმენტაციის სრული ჩამონათვალი შემდეგ ელ-ფოსტაზე: n.bakradze@gipa.ge
სტუდენტთა შესარჩევი პროცესი:
- დოკუმენტაციის შემოწმება;
- გასაუბრება აპლიკანტთან ინგლისურ ენაზე;
შერჩევის კრიტერიუმები: 2 საუკეთესო აპლიკანტი გამოვლინდება შემდეგი კრიტერიუმების მიხედვით:
- მაღალი GPA
- ინგლისურ ენის ცოდნის მაღალი დონე
- აპლიკანტის მოტივირება
- დახასიათება/რეკომენდაცია
დამატებითი კითხვების არსებობის შემთხვევაში დაგვიკავშირდით ელ-ფოსტის საშუალებით: n.bakradze@gipa.ge ან მითითებულ ნომერზე: 577 57 75 11
არასრული ან/და დაგვიანებული განცხადებები არ მიიღება!
