Proposal Development

GIPA გთავაზობთ საპროექტო წინადადების მომზადების საუკეთესო საერთაშორისო პრაქტიკებზე დაყრდნობილ სასერტიფიკატო, მოკლე, ინტენსიურ პროგრამას, რომლის მიზანია საპროექტო წინანადებების განვითარების თანამედროვე ცოდნისა და ქართულად ადაპტირებული ინსტრუმენტების გადაცემა და დანერგვა.

პროგრამა განკუთვნილია პროფესიონალებისათვის, რომელთა საქმიანობა შესაძლოა მოიცავდეს ნებისმიერი სახის ინიციატივისა თუ პროექტის მომზადებას და სტეიკჰოლდერებისთვის წარდგენას.

პროგრამის წარმატებით დასრულების შემდეგ, მონაწილეები შეძლებენ:

• მოამზადონ საბოლოო მომხმარებელზე (end-user) ორიენტირებული საპროექტო წინადადებები / ინიციატივები:
  • ორგანიზაციის შიგნით გადაწყვეტილების მიმღები, მაღალი რგოლი მენეჯერებისთვის, პარტნიორებისა და შესაძლო ინვესტორებისთვის.
  • საერთაშორისო დონორი ორგანიზაციებისთვის.
• სწორად გამოიყენონ (კონტექსტისა და საჭიროების მიხედვით) მომხმარებლის საჭიროებების კვლევის, ანალიზისა და პროდუქტის შექმნის თანამედროვე ინსტრუმენტები (მაგალითად, business model canvas, customer (buyer) persona, service blueprint და სხვა) და მიდგომები (მაგალითად, design thinking, reverse engineering და სხვა).
• დანერგონ მომხმარებლის ანალიზის საუკეთესო პრაქტიკებზე დაფუძნებული, თანამედროვე მიდგომები საკუთარ ორგანიზაციებში, რითაც არსებითად გააუმჯობესებენ მომხმარებლის გამოცდილებას (user experience).

სურვილის შემთხვევაში, შეთავაზებული პროგრამის ფარგლებში, პროგრამის მონაწილეებს აქვთ შესაძლებლობა მოამზადონ კონკრეტული საპროექტო წინადადებები / ინიციატივები მათ მიერ შერჩეულ საკითხებზე.

 კურსის მონაწილეები გაეცნობიან:

• იდეის გენერირებისა და ჩამოყალიბების, პროდუქტის შექმნისა და ანალიზის თანამედროვე მიდგომებს, მათ შორის, human centered design, design thinking, და reverse engineering.
• საპროექტო წინადადებების (ინიციატივების) მომზადების ეტაპებსა და ინსტრუმენტებს,არსებულ გამოწვევებს, მათი დაძლევის გზებს და საუკეთესო პრაქტიკებს.
• საპროექტო წინადადების მომზადების პრაქტიკებს ცნობილი ორგანიზაციების მაგალითებზე (Deloitte, Chemonics, Tetratech)

პროგრამის ფარგლებში, მონაწილეები მიიღებენ მსოფლიოში აღიარებული თანამედროვე ინსტრუმენტების ნიმუშების პაკეტს (მათ შორის, business model canvas, customer (buyer) persona, customer journey, empathy maps, impact-effort chart, და სხვა).

პროგრამის შინაარსი:

1. საპროექტო წინადადების / ინიციატივის შექმნის მოსამზადებელი სამუშაო (prep. work)
   • წინადადების მომზადების გეგმის შემუშავება
   • ძირითადი როლების იდენტიფიცირება და განაწილება
   • საუკეთესო პრაქტიკებს განხილვა ცნობილი კომპანიების მაგალითზე (Deloitte, Chemonics international, Tetra tech)

2. ცვლილების თეორიის ჩამოყალიბება (Theory of Change)
   • პრობლემის განსაზღვრა და ანალიზი (problem tree analysis)
   • ალტერნატივების ანალიზი და ძირითად პრობლემაზე შეჯერება
   • ლოგიკური ჩარჩოს (logical framework) ჩამოყალიბება
   • პრაქტიკული მაგალითების განხილვა და სავარჯიშოები

3. მომხმარებლის ანალიზი და საჭიროებათა დეტალური კვლევა
   • პროდუქტისა და სერვისების გაუმჯობესების იდეების, პრობლემების გადაჭრისა და ინოვაციური გადაწყვეტების ჩამოყალიბების პროცესის და თანამედროვე მიდგომების განხილვა (design thinking, customer orientation, reverse engineering)
   • მომხმარებლისა და პროდუქტის ანალიზის ძირითადი ინსტრუმენტების განხილვა (business model canvas, customer (buyer) persona, customer journey, empathy maps)
   • პრაქტიკული მაგალითების განხილვა და სავარჯიშოები

4. მონიტორინგისა და შეფასების ჩარჩოს მომზადება
   • ინდიკატორების შემუშავება (KPI) და ძირითადი მაილსთოუნების განსაზღვრა
   • მონაცემების შეგროვება და პროგრესის მონიტორინგი (baseline, midline და endline მიზნების (target) განსაზღვრა).
   • პრაქტიკული მაგალითების განხილვა და სავარჯიშოები

5. ბიუჯეტის მომზადება

• საპროექტო წინადადებისთვის ძირითადი ხარჯების განსაზღვრა
• ხარჯების დახარისხება სტანდარტული კატეგორიებისა და ტიპების მიხედვით (პირდაპირი და არაპირდაპირი ხარჯები, საოპერაციო ხარჯები, ადმინისტრაციული “ოვერჰედ” ხარჯები და ა.შ.)
• ბიუჯეტის დაგეგმვა და ხარჯების კონტროლი
• ბიუჯეტის ნიმუშების განხილვა და სავარჯიშოები

6. პროექტის მდგრადობისა და დამატებითი ღირებულების (added value) ანალიზი
   • ფინანსური და ინსტიტუციური მდგრადობა
   • ინოვაციურობა, გავლენა გარემოზე, გავლენა მოწყვლად ჯგუფებზე
   • გვერდითი ეფექტები (spillover effects)

7. შეჯამება და საპროექტო წინადადებების / ინიციატივების პრეზენტაცია 

სწავლის ხანგრძლივობა: 2 თვე, ლექციები ჩატარდება კვირაში ორჯერ, საღამოობით 19:00-დან 22:00-მდე.

პროგრამის უნიკალურობა: პროგრამა დაყოფილია ორ ნაწილად - თეორია და პრაქტიკა. მსმენელს შეუძლია თავად აირჩიოს რომელ ნაწილს დაესწრება - შეუძლია აირჩიოს მხოლოდ თეორიული, მხოლოდ პრაქტიკული ან ორივე ერთად. თითოეული ნაწილი ჩატარდება კვირაში ერთხელ.

სწავლების ენა: ქართული. მასალების ძირითადი ნაწილი წარმოდგენილია ინგლისურ ენაზე.

სერტიფიკატი: სრული კურსის წარმატების დასრულების შემდეგ, მონაწილეებს გადაეცემათ საპროექტო წინადადების მომზადების მენეჯერის (Proposal Development Manager) ციფრული, ვერიფიცირებული სერტიფიკატი. მხოლოდ რომელიმე ერთი ნაწილის დასწრების შემთხვევაში, გაიცემა პროგრამაზე დასწრების ციფრული სერტიფიკატი. 

სერტიფიკატის აღების წინაპირობა: დასწრება, მონაწილეობა და დავალებების შესრულება.