eng_პრე-საბაკალავრო პორტფოლიო პროგრამა

Unlock Your Creative Voice!

გიყვარს ხატვა, კომიქსები, დიზაინი, ფოტოგრაფია თუ მოძრავი გამოსახულების ან ვიდეო ისტორიების შექმნა? ეს წინასაბაკალავრო პროგრამა შენი შემოქმედებითი სათამაშო მოედანია!

GIPA Art Factory-ს af.gipa.ge ვიზუალური კომუნიკაციის (რეკლამა და საკომუნიკაციო დიზაინი) საბაკალავრო პროგრამა  აცხადებს მიღებას პრე-საბაკალავრო პორტფოლიო კურსზე აბიტურიენტებისათვის. 

გაიგებ, თუ როგორ შეიძლება შენი იდეები გარდაიქმნას თვალისმომჭრელ დიზაინად ან რეკლამად, თამამ ვიზუალებად და ძლიერ მესიჯებად. ისწავლე ვიზუალური კომუნიკაციის ხელოვნება, რეკლამა, ბრენდინგი და შემოქმედებითი კომუნიკაცია პროფესიონალი დიზაინერებისგან და კრეატიული მენტორებისგან, რომლებიც მუშაობენ რეკლამის ინდუსტრიისა და დიზაინის სფეროში. შექმენი გამორჩეული პორტფოლიო და მოემზადე  ვიზუალური ისტორიებისა და დიზაინერული აზროვნების სამყაროში შესაბიჯებლად. 

პრე-საბაკალავრო კურსის წარმატებულ კურსდამთავრებულებს, ჯიპას ვიზუალური კომუნიკაციის (რეკლამა და საკომუნიკაციო დიზაინი) საბაკალავრო პროგრამაზე ჩაბარების შემთხვევაში, მიენიჭებათ პრიორიტეტი და გათავისუფლდებიან ეროვნული გამოცდების ფარგლებში  არსებული სავალდებულო შემოქმედებითი ტურიდან. 

რას ისწავლი:

• არტ დაირექშენი და შემოქმედებითობა
• ბრენდინგი და გრაფიკული დიზაინი
• ილუსტრაცია და მოძრავი გამოსახულება
• ფოტო და ვიდეო

პროგრამის დასრულების შემდეგ:

• შეძლებ კონცეპტუალურ აზროვნებას და ვიზუალურ კომუნიკაციას საბაზისო დონეზე.
• გაიგებ დიზაინის უმთავრეს პრინციპებს.
• შეიმუშავებ მრავალფეროვან შემოქმედებით პროექტებს.
• გამოიმუშავებ თავდაჯერებულობას ნამუშევრის წარდგენისათვის.

და ბოლოს -  გექნება პორტფოლიო, რომელიც მზადაა შთაბეჭდილების მოსახდენად! 

პროგრამის აღწერა:

კვირა 1 : შესავალი ვიზუალურ კომუნიკაციაში - ნინო ლიპარტელიანი

რა არის ვიზუალური კომუნიკაცია? ვიზუალური კომუნიკაცია სიტყვების გარეშე საუბრის ხელოვნებაა - ფერის, ფორმის, გამოსახულების, მოძრაობისა და დიზაინის მეშვეობით.

შაბათის ვორქშოფი: - ბუბა რადიანი & გიორგი კვიტატიანი  

1. ვიზუალური კომუნიკაციის (D&AD) დისციპლინები (30 წთ)
2. პროექტი: „ვიზუალური მე“ (90 წთ)
3. დიზაინი ყველგან და ყოველ დღე (30 წთ)
4. პროექტი: „ვიზუალური ძიება“ სტრატეგია ვიზუალურ კომუნიკაციაში (90 წთ)

კვირა 2 : შემოქმედებითი გუნდი - კრეატიული ტვინები - თოკა არეშიძე 

ოთხშაბათი: გამოსახულების და ტექსტის ვიზუალური კონცეფციის შემუშავება, ჯილდოს მფლობელი მაგალითები, ქეისები.

რას ვაკეთებთ? რატომ და როგორ? (ლექცია - ვორქშოფი)

შაბათის ვორქშოფი: გიორგი მაღრაძე & მარი სუხიშვილი

1. შესავალი არტ დაირექშენში (30 წთ)
2. შემოქმედებითი პროექტები 2 (თითოეული 90 წთ)

• არტ დაირექშენი
• დასკვნითი დისკუსია და ფიდბექი (30 წთ)

კვირა 3 : დიზაინისა და კომპოზიციის პრინციპები - აკაკი რაზმაძე

ოთხშაბათი: ტიპოგრაფია და ვიზუალური იერარქია, შრიფტებისა და გამოსახულების კომბინაციები

შაბათის ვორქშოფი: შოთა ჩინჩალაძე & ნიკა კუმბარი; ანა სანიკიძე & ლევან რატიშვილი

1. ბრენდინგისა და იდენტობის საფუძვლები, ბრიფის მნიშვნელობა (60 წთ)
2. პროექტი: რებრენდინგის პროექტი (60 წთ); სტილი, ჩარჩო, დიზაინი, ფოკუსირება ვიზუალურ ტონზე, იდენტობაზე, ტიპოგრაფიაზე, შეფუთვასა და ზოგად განწყობაზე.
3. ილუსტრირებული შეფუთვის დიზაინი (60 წთ)
4. პროექტი: ილუსტრირებული ტიპოგრაფია შეფუთვის დიზაინისთვის (90 წთ)

კვირა 4 : ილუსტრაცია და კონცეპტუალური აზროვნება - თამარა გედევანიშვილი

ოთხშაბათი: ვიზუალური მეტაფორა და იდეების გენერირების ტექნიკა, აბსტრაქტული იდეების ვიზუალურად გამოხატვა, სთორიბორდის ტექნიკა.

შაბათის ვორქშოფი: სოფო ჩერქეზიშვილი

1. კონცეპტუალური აზროვნება (60 წთ)
2. პროექტი: სიტყვებზე დაფუძნებული კონცეპტუალური ილუსტრაციების სერია (90 წთ)
3. პროექტი:ამბავზე დაფუძნებული ილუსტრაციების სერია (90 წთ)

კვირა 5 : ფოტო და მოძრავი გამოსახულება - ნინო გორდელაძე

ოთხშაბათი: ამბის თხრობა, კომპლექსური შემოქმედებითი მიდგომები

შაბათის ვორქშოფი: დიმა ჩიკვაიძე & ანა ჩუბინიძე

1. პროექტი: მულტიმედიური თხრობა, ფოტო ამბავი (90 წთ)
2. პროექტი: სთოფ მოუშენი (120 წთ)
3. პროექტის ჩვენება (30 წთ)

კვირა 6 : პერსონალური პროექტის განვითარება - ეკა ყიფიანი 

ოთხშაბათი: იდეები პირველ რიგში, კონცეფციის შემუშავება, შემოქმედებითი აზროვნება

შაბათის ვორქშოფი: გიორგი ავალიანი

1. პერსონალური ბრენდინგი/კონცეფცია (90 წთ)
2. პროექტი: პერსონალური ამბავი, ნებისმიერი ვიზუალური ხერხის და ტექნიკის გამოყენებით (120 წთ)
3. დასკვნითი დისკუსია და ფიდბექი (30 წთ)

კვირა 7 : ჩემი პირველი პორტფოლიო

ოთხშაბათი: საუკეთესო პორტფოლიოები, სტუმრები: არტ დირექტორი, დიზაინერი, ილუსტრატორი, მოუშენ გრაფიკოსი

• რა ქმნის ძლიერ პორტფოლიოს?
• პროექტის აღწერილობის წერა
• ნამუშევრების პრეზენტაცია და მათზე საუბარი

შაბათის ვორქშოფი: ვიზუალური კომუნიკაციის საბაკალავრო პროგრამის სტუდენტები 

პორტფოლიოს ციფრული ინსტრუმენტები და პლატფორმები - სტუდენტები ახალბედებს ეხმარებიან ძლიერი პორტფოლიოს შექმნაში.

კვირა 8 : ხელოვნება, კრეატივი და ტექნოლოგიები - დავით ჯიბლაძე 

ოთხშაბათი: ტექნოლოგიები დღეს, 100%-ით ადამიანის მიერ შექმნილი ხელოვნური ინტელექტის წინააღმდეგ, ხელოვნური ინტელექტი და მოძრავი გამოსახულება

შაბათის ვორქშოფი: პორტფოლიოს განხილვა (FACE TO FACE)